Хосеп Гвардиола ўзбекистонлик ҳимоячи Абдуқодир Ҳусанов ҳақида фикр билдирди. Мураббий Англия кубоги доирасидаги “Борнмут” — “Манчестер Сити” ўйини олдидан ўтказилган матбуот анжуманида иштирок этган.
Гвардиола Ҳусановнинг “Ман Сити” сафида ҳозирга қадар кўп ўйнашини кутмаганини айтди.
“Аммо вазият шундай — ҳимояда фақат 4 футболчи бор. Унда ўзига хос қобилиятлар бор. Гарчи тилни яхши билмаса ҳам, майдонда ўзини кўрсатмоқда. У бизга кўп ёрдам берди.
Мавсум ўртасида келган футболчиларга осон эмас. Янги ўйинчилар, янги лига... Аммо Абдуқодир ҳам, Vitoр Рейс ҳам жуда яхши. Ҳусанов билан кўпроқ мулоқот қилишимиз керак. Шу орқали у тилни ҳам, бизни ҳам тезроқ тушунади”, – дейди испаниялик мутахассис.
Манчестерлик устози футболчилар ўз миллий терма жамоаларидан саломат қайтгани хусусида ҳам гапирди.
“Баъзи футболчилар бошқаларга қараганда кўпроқ чарчаган, лекин умумий ҳолат яхши”, — дейди у.
Маълумот учун, Англия кубоги чорак финали доирасидаги “Борнмут” — “Манчестер Сити” учрашуви 30 март, якшанба куни соат 20:30 да бошланади.
Изоҳ (0)