Squawka статистик портали “Ливерпуль”га қарши тўлиқ ҳаракат қилган “Манчестер Сити” ҳимоячиси ўзбекистонлик Абдуқодир Ҳусановни эътироф этди.
Манбага кўра, ушбу ўйин ҳафтасида Премьер Лигада Абдуқодир Ҳусанов энг кўп рақибдан тўпни олиб қўйган ва ҳужумларни бартараф этган. Маълум бўлишича, Ўзбекистон жамоаси ҳимоячиси 12 бор курашда “Ливерпуль” футболчисидан устун келган.
Sofascore нашри ҳам “шаҳарликлар” ҳимоясида энг яхши ўйинни Ҳусанов кўрсатганини қайд этиб, унга 7,2 балл қўйгани хабар қилинганди. Унинг узатмаларидаги аниқлик 98 фоизни ташкил қилган.
Маълумот учун, “Ливерпуль”га қарши баҳсда Гвардиола шогирдлари 0:2 ҳисобида мағлубиятга учради. Жамоа 26 турда 44 очко тўплаб, турнир жадвалида 4-ўринда бормоқда.
Изоҳ (0)