Футбол бўйича Европа Чемпионлар Лигаси ўтиш босқичида жавоб ўйинлари бўлиб ўтди.
Манчестердан ғалаба билан қайтган “Реал” Мадридда ҳам “шаҳарликлар” клуби дарвозасига 3 та гол урди ва нимчорак финалга йўлланма олди. Мадридликлар сафида Мбаппе хет-трикка эришди. Нико қўшиб берилган дақиқаларда гол уриб ҳисоб 3:1 бўлишини таъминлади.
Учрашувда Ўзбекистон терма жамоаси ҳимоячиси Абдуқодир Ҳусанов дастлабки дақиқалардан ҳаракат қилди.
Sofascore нашри футболчининг ўйинини 6,8 баллга баҳолади. Ҳусановнинг узатмаларининг аниқлиги 93 % ни ташкил қилди. “Шаҳарликлар” ҳимоясида ҳаракат қилган Стоунз учрашувда энг ёмон балл — 6,3 баллга баҳоланди. Меҳмонлар таркибида ягона гол муаллифи Нико энг юқори 7,3 баллга лойиқ кўрилди.
“Қироллик клуби”да хет-трик қайд этган Мбаппе энг юқори — 9,5 балл олди ва ўйиннинг энг яхши футболчиси бўлди. Дарвозабон Куртуа ва ҳимоячи Менди мезбонлар таркибида энг паст — 6,7 балл билан баҳоланди.
Икки ўйинда ҳам ғалаба қозонган “Реал” 1/8 финал босқичига йўл олди. Гвардиола шогирдлари учун турнир якунланди. Эртага, 21 февраль куни мусобақанинг кейинги босқичига қуръа ташлаш маросими бўлиб ўтади.
Изоҳ (0)