Англия чемпионатининг 29-туридан ўрин олган “Манчестер Сити” — “Брайтон” учрашуви бўлиб ўтди. Унда жамоалар 2:2 ҳисобида дуранг ўйнади. Ўзбекистонлик ҳимоячи Абдуқодир Ҳусанов ўз дарвозасини ишғол қилиб қўйди.
Учрашувдан кейинги матбуот анжуманида “шаҳарликлар” устози Пеп Гвардиола Ҳусанов ҳақида гапирди. Испаниялик мутахассис Абдуқодир автогол муаллифига айланган бўлса-да, унинг ҳаракатларини мақтади.
Рубен Диаш ва Ҳуса (Ҳусанов) биргаликда ажойиб ўйин намойиш этишди. Умуман олганда, бутун жамоа яхши ҳаракат қилди. Лекин бир оз омад етишмади. Бугун “Ноттингем Форест” билан бўлган ўйинга қараганда анча яхши ҳаракат қилдик. Жуда кўп имкониятлар яратилди, лекин атиги иккита гол киритишни уддаладик, дея Гвардиоланинг сўзларини келтирди Cityxtrа нашри.
“Манчестер Сити” навбатдаги учрашувини 30 март куни Англия Кубоги доирасида “Борнмут”га қарши ўтказади. “Шаҳарликлар” 29-турдан кейин турнир жадвалида 48 очко билан 5-поғонадан жой олди.
Изоҳ (0)