“Манчестер Сити” бош мураббийи Хосеп Гвардиола Англия Премьер Лигасининг 26-турида “Ливерпуль”га қарши ўйинда (0:2) янги футболчиларнинг ўйинини баҳолади ва жароҳат олган ҳужумчи Эрлинг Ҳоланднинг йўқлиги ҳақида фикр билдирди.
“Ҳоланд чоршанба куни қайтадими? Билмайман. Биз натижага эриша олмаганимизни фақат унинг йўқлиги билан боғлаш нотўғри бўларди. Бу бошқа футболчиларга нисбатан адолатсизлик бўлади. Биз кўпроқ гол ура олардик... Умуман олганда, ҳаммаси яхши.
Ҳусанов қандай ўйнади? У Мадридда ҳам жуда яхши ўйнади, у ўнг қанот ҳимоячиси сифатида Виниусни назорат қилди. Бугун ҳам худди шундай тезкор ва интизомли ўйин кўрсатди. Албатта, у ҳали ўсиши керак, лекин жуда катта салоҳиятга эга. Нико ва Мармуш ҳам яхши, лекин жисмонан кучли жамоага қарши ўйнаш уларга осон бўлмади”, дея Гвардиоланинг сўзларини келтиради BBC нашри.
Маълумот учун, ўзбекистонлик ҳимоячи Абдуқодир Ҳусанов, ярим ҳимоячи Нико Гонсалес ва ҳужумчи Мармуш қишки трансфер ойнасида “Манчестер Сити” таркибига қўшилди. “Манчестер Сити”нинг норвегиялик ҳужумчиси Эрлинг Ҳоланд жароҳати сабаб “Ливерпуль”га қарши баҳсда иштирок этмади.
Изоҳ (0)