Баъзи юлдузларнинг муваффақиятга эришишида ота-оналарининг кўмаги ҳам бор. Сабаби шоу-бизнес оламида карьера ҳосил қилишнинг ўзи машаққатли иш. Шунинг учун ҳам ота-оналар ўз фарзандига қўлидан келганча ёрдам бериши ажабланарли ҳолат эмас.
Тэйлор Свифт
Тэйлор чинакам ижодкор. У ўзи шеър ёзади, мусиқа басталайди ва куйлайди. Бироқ унга молиявий томондан банкда ишловчи отаси ёрдам беради. Нафақат молиявий имкониятлар, балки отасининг қизига бўлган ишончи ҳам катта роль ўйнаган. Орадан йиллар ўтиб, Тэйлор учун сарфланган маблағ ўзини оқлади. Унинг миллионлаб мухлислари эса бунинг исботи.
Жейден Смит
Уилл Смит ўғли Жейденга яқиндан ёрдам беради. Унинг катта кино оламига кириши, мусиқий видео ва бадиий фильмларда биргаликда намоён бўлишидан ҳам буни сезиш мумкин. Шунингдек, Уилл рафиқаси билан суратга олган фильмларда ҳам унинг ўғлини кўриш мумкин. Бундан ташқари қизи Уилвуд Свит ҳам тез-тез клип ва фильмларда кўриниш бериб туради.
Лив Тайлер
«Aerosmith» вокалистининг қизи гуруҳнинг машҳурлигидан тўлиқ фойдаланди. Актрисанинг бошига кутилмаганда машҳурлик келиб тушди. Мактабда ўқийдиган қиз учун бу жуда катта ютуқ эди. Албатта, юлдуз ўз карьерасини бошланишида отасининг қўли борлигини тан олади. Лекин бу билан отасининг ҳам муваффақиятсизликка учрамаганини маълум қилган.
Крис Пайн
Актёр карьерасини 2000 йилларда кичик фильм ва телесериаллардан бошлаган. Крисга қандай қилиб муваффақиятга эришгани ҳақда кўп саволлар берилади. Актёр эса бунга жавобан, яқинларим ёрдамида эканини маълум қилган. Криснинг отаси Роберт Пайн – машҳур актёр бўлмаса-да, ўнлаб фильмларда роль ижро этган. Шунингдек, онаси – Гвинн Гильфорд ҳам маҳоратли актриса.
Румер Уиллис
Румер карьераси учун Брюс Уиллис ва Деми Мурдан миннатдор бўлиши керак эди. Болалигиданоқ ота-онасининг ёрдамида фильмларда роль ижро этган. Шунингдек, ҳозирда ҳам фильмларда образлар гавдалантириш билан банд.
Лиза Мария Пресли
Лизанинг машҳурлиги фақатгина отаси туфайлидир. Элвис Пресли вафот этганида Лиза атиги 9 ёшда бўлган ва у аллақачон Американинг энг бой қизига айланганди. Лиза вояга етганида ҳам жуда таниқли эди. Гарчи у мусиқа ёзиб, киноларда роль ижро этса ҳам уни хонанда ёки актриса деб бўлмайди. Лиза аввал Майкл Жексонга, кейинчалик Николас Кейжга турмушга чиққанидан кейин кўплаб муҳокамларга сабаб бўлди. Афсуски, иккала никоҳ ҳам узоққа бормаган.
Изоҳ (0)