Дунё томошабинларини «экранга михлаган» — «Калмар ўйини» сериали актёрлари ҳақида нималарни биламиз? (фото)

«Калмар ўйини» сериалининг актёрлари бир кеча-кундузда дунёга машҳур бўлди. Улар ҳали нуфузли кинофестивалларга таклиф қилинмаган бўлса-да, бошқа томондан, уларнинг Instagram’даги кузатувчилари сони Голливуд стандартларидан ошиб кетган. Эътиборингизга машҳурликка эришган юлдузларнинг ҳаёти ҳақида бир қанча маълумотларни ҳавола этамиз.

Ли Чон Же

https://www.instagram.com/p/CUwDGJmPxBO/

Актёр 1972 йил 15 декабрда туғилган. У кинодаги карьерасини дастлаб моделликдан бошлаган. Илк дебюти «Динозавр ўқитувчи» драмасидаги асосий роли бўлди. 1994 йил «Туйғулар» картинаси актёрга муваффақият келтирган.

2006 йилгача актёр кино соҳасида фаол иштирок этган, сўнгра 4 йил танаффус қилган. 2010 йилда «Хизматкор» фильмида ўйнаб, Европа жамоатчилиги орасида ҳам муваффақият қозонди.

Актёрнинг шахсий ҳаёти сирларга тўла. Унинг на рафиқаси, на фарзандлари ҳақида маълумот бор. Самимий Сонг Ки Хун ҳақиқий ҳаётда ижтимоий тармоқлардан узоқда эди. Фақатгина Instagram’да  2021 йил 2 октябрда, сериалнинг машҳурлиги чўққига чиққан пайтда рўйхатдан ўтди ва бирданига 3 миллиондан ортиқ кузатувчига эга бўлди. Ўз карьерасида яна бир бора муваффақиятга эришган Ли Чон Жи драманинг саҳна ортидаги эксклюзив кадрларини мунтазам равишда саҳифасига жойлаб, ҳамкасбларига етиб олишни хоҳлайди.

Чон Хо Ен

https://www.instagram.com/p/CUv-lVJBJPn/

Ҳозирги кунда Чон Хо Ен энг машҳур корейс актрисаларидан бири. У 1994 йил 23 июнь куни Жанубий Кореянинг Сеул шаҳрида туғилган. Баландлиги 177 сантиметр, кино оламига кириб келмасидан аввал моделлик билан шуғулланган. Актрисанинг Instagram’даги саҳифасини гўзаллиги ва истеъдодини тинмай мақтайдиган 20 миллиондан ортиқ фолловерлар кузатади. Қизиғи шундаки, сериал намойиш этилмасидан аввал уларнинг сони 400 мингтани ташкил этган.  Айтганча, актриса «Калмар ўйини» сериалида Кан Се Бекнинг роли билан машҳурликка эришган бўлса-да, у мода оламида аллақачон муваффақият қозонган эди. Моделлик фаолиятини 16 ёшдан бошлаган актриса «models.com» сайтининг 50 та энг яхши моделлар рўйхатидан жой олган. Шунингдек, Korean Vogue журнали муқоваси учун суратга тушган. Қолаверса, Chanel, Louis Vuitton, Prada ва Dolce & Gabbana каби брендлар кўргазмаларида иштирок этган.

Кан Се Бек роли моделнинг дебютига айланди. У қаҳрамонининг характерини ўрганиш учун Шимолий Кореянинг қочқинлари билан мулоқотда бўлди. Улар ҳақидаги ҳужжатли фильмларни томоша қилиб, жанг санъатини ўрганди.

Актрисанинг шахсий ҳаёти ҳақида маълумотлар унчалик ҳам кўп эмас. Унинг 36 яшар кореялик актёр Ли Дон Хви билан муносабатлари жиддий. Лекин актриса севгилиси билан тушган суратларни ижтимоий тармоққа жойлаштирмайди.

Сериал суратга олинмасдан аввал актрисанинг соч турмаги қаҳрамонга мос келмаган, унинг сочлари узун ва қизғиш рангда бўлган. Шунинг учун модель сочларини кестириб, табиий рангига қайтарган.

Пак Хе Су 

https://www.instagram.com/p/CVCiuflhovo/?utm_source=ig_embed&ig_rid=0f48a921-f4b3-45d2-9599-f4d977d61ca9

Пак Хе Су худди Ли Чон Же сингари фақат сериалда энг зиддиятли қаҳрамонлардан бирини ижро этади. Шунинг учун у ҳақида ижтимоий тармоқлардаги муҳокамалар ҳанузгача давом этмоқда. Актёр 1981 йил 21 ноябрь куни Жанубий Кореяда туғилган. Бўйи 181 сантиметр. Пак Хе Су аввал ҳам кўплаб сериалларда рол ижро этган, лекин унга кўпинча ёрдамчи роллар берилган.

Кореялик машҳур кишилар сингари Пак ҳам шахсий ҳаётини сир сақлашни афзал кўради. 2019 йил 14 январда севгилиси билан турмуш қурган ва уларнинг бир нафар ўғил фарзанди бор.

Актёр «Калмар ўйини» сериалида суратга тушгандан кейин Instagram’га қизиқиб қолган. Кўриниб турибдики, актёр машҳурликка эндигина кўникмоқда ва саҳифасини маъносиз постлар билан тўлдириб юбормасликка ҳаракат қилмоқда.

Ви Ха Жун

https://www.instagram.com/p/CUT4ZT0PQ5m/

Ви Ха Жуннинг постларини томоша қилиб туриб, уни яхшигина романтик деб аташ мумкин. Актёр 1991 йил 5 августда Жанубий Кореянинг Вандо шаҳрида туғилган. У Сунгул университетининг театр ва кино факультетини тамомлаган. Ви Ха Жун актёрликдан ташқари моделлик соҳасида ҳам фаолият юритади.

Актёр мунтазам равишда Instagram’да 8,5 миллион кузатувчилари билан ўзининг жилмайган селфиларини баҳам кўради. Аммо мухлисларни кўпроқ драма юлдузининг ўзи ҳам намойиш этишни яхши кўрадиган мушаклари жалб қилади.

Ли Ю Ми

https://www.instagram.com/p/CVAGS5gpsvm/?utm_source=ig_embed&ig_rid=92b5a433-49c1-4795-aa6b-16ac570bcbbe

Ли Ю Ми 1994 йил 18 июлда Жанубий Кореянинг  Чолла-Пукто шаҳрида дунёга келган. Драма ихлосмандлари учун актриса бегона эмас. У ўзининг машҳурлик олиб келган ўнлаб муваффақиятли ролларига эга. Актрисанинг карьерасини ҳозирда 22 та фильм ташкил қилади.

Сериал намойишидан сўнг актрисанинг Instagram саҳифасифа кузатувчилар сони ошди, фолловерларнинг сони 6,2 миллионга етди.

Хо Сон Те

https://www.instagram.com/p/CU9WYsoJdP-/?utm_source=ig_embed&ig_rid=0b9bc443-ead4-4607-a251-8d93b65d2300

«Калмар ўйини» сериалининг актёрлари ҳар доим ҳам ўз қаҳрамонларига ўхшамайди. Хо Сон Те эса бунинг исботи. 101-рақамли тажовузкор ва ҳасадгўй ўйинчи ҳаётда аслида мушукларни яхши кўрадиган хушмуомала ва мулойим одам.

Актёр 1977 йил 20 октябрда Жанубий Кореянинг Пусан шаҳрида туғилган. Хо Сон Те кино оламига етук ёшида кириб келган. У 2011 йил истеъдодлар шоусида иштирок этиш учун ариза юборган. 2012 йил «Маскарад» фильмини ижро этгач, йилига камида иккита фильмда суратга туша бошлади.

Шунингдек, актёр рус тилини яхши билади, чунки у Пусан миллий университетининг рус тили бўлимини тамомлаган. Шундан сўнг LG компаниясиниг Россия ваколатхонасида ишлай бошлаган.

«Калмар ўйини»нинг рус томошабинлари актёрнинг рус тилида сўзлаша олишини билиб, унинг постларини шарҳларга тўлдириб юборди. Актёрнинг ўзи бундай эътибордан жуда хурсанд бўлди, ҳатто ўз саҳифасига Владимир Путин иштирокидаги мемларни жойлади.

Хо Сон Тенинг шахсий ҳаёти ҳақида ҳеч нарса маълум эмас. У сира ҳам оиласи ва болалари ҳақида гапирмаган.

Анупам Трипати

https://www.instagram.com/p/CVCqSexLwRF/

Али қаҳрамонининг мухлислари актёрнинг жуда кўп қиррали ижодкор бўлганидан ҳайратда қолди. Анупам Трипати 1988 йил 2 ноябрь куни Ҳиндистоннинг Нью-Дели шаҳрида туғилган. 2006 йилда у қўшиқчилик ва актёрлик маҳоратидан дарс олган. 2010 йилда яқин дўстининг маслаҳати билан Корея миллий санъат университетига ўқишган кирган. Шундан сўнг Жанубий Кореяда яшаб қолган.

Актёр дебютини 2014 йилда «Отамга дуо» фильмида ижро этган. Ўшандан буён Анупам мунтазам равишда фильм ва сериалларда рол ижро этади, лекин ҳаммаси иккинчи даражали эди. Шунингдек, кўпинча ҳинд миллатига мансуб актёрга одатда муҳожир образи топширилди.

Анупамнинг ҳам шахсий ҳаёти ҳақида ҳеч нарса маълум эмас, у на оила ва на севгилиси ҳақида сўз юритади. Фақатгина ўз касби ҳақида гапиришни афзал кўради.

Актёрнинг сўзларига кўра, дастлаб маданият ва тилга мослашиш қийин бўлган. Лекин у ҳозирда корейс тилини мукаммал билади. Маълум бўлишича, Анупам театрда ишлайди, гитара чалади ва яхши қўшиқ куйлади. Сериал намойишидан сўнг Instagram’да уни 3,5 миллиондан ортиқ одам кузатмоқда.

Ким Жу Рен

https://www.instagram.com/p/CVAEIBAr44J/

Ким Жу Рен саҳифаси энг кўп саҳна орти акс этган постларга эга. Актриса, шунингдек, ўз ишини мунтазам равишда баҳам кўриб, кузатувчилар билан яқин алоқада бўлишга ҳаракат қилади.