ССВ Германия клиникаларида қанча ўзбекистонлик ҳамшира фаолият кўрсатаётгани ҳақида маълумот берди.
Қайд этилишича, Миграция агентлиги, Камбағалликни қисқартириш ва бандлик вазирлиги ҳамда Швейцариянинг Globogate Concept AG компанияси ўзбекистонлик ҳамшираларни Германиядаги бўш иш жойлари учун танлаш, ўқитиш ва ишга қабул қилиш бўйича бир қатор лойиҳаларни амалга ошириб келмоқда.
Жумладан, мамлакатдаги малакали ўрта тиббиёт ходимлари ушбу лойиҳалар доирасида Германиянинг Ахен университети клиникаси, Асклепиос касалхоналари, Энзкреис клиникалари, Бранденбург ва Карсруе шаҳарлари клиникаси ва Салус Алтмарк клиникаларига умумий ҳамширалик ҳамда психиатрик ҳамшира сифатида ишлаш учун таклиф этиляпти.
Бугунга қадар Миграция агентлиги, Globogate Concept AG ташкилоти ҳамда Германиянинг юқорида қайд этилган тиббиёт муассасаларидан Ахен университети клиникаси, Асклепиос касалхоналари ва Энзкреис клиникалари билан ҳамкорликда ўтказилган синов имтиҳонларидан 400 нафар ҳамширалар муваффақиятли ўтиб, ушбу мамлакатда тиббий фаолиятини олиб бормоқда.
Шунингдек, танловларда сараланган яна 550 нафар ўрта тиббиёт ходими айни пайтда ўқув жараёнларида иштирок этяпти. Уларнинг 370 нафари умумий ҳамширалик йўналишларида, қолган 180 нафари эса психиатрия бўлимларида ишлаш учун тайёрланмоқда.
Дастур доирасида йил сўнгига қадар 350 нафар ўрта тиббиёт ходимини хорижда ишлаш учун тайёрлаш ва Германия клиникаларига юбориш режалаштирилган.
- Маош 2,7 минг доллар: ўзбекистонлик ҳамширалар Қатарга ишга таклиф қилинмоқда
- Ўзбекистонлик ҳамширалар АҚШга ишлаш учун юборилади
Ўзбекистонлик 10 мингдан ортиқ тиббиёт соҳаси вакиллари Британиядаги шифохоналарга ишга қабул қилинади. Уларга 3 минг доллар миқдорида ойлик маош тўлаш бўйича келишувга эришилган.
Изоҳ (0)