“Узуклар ҳукмдори” ва “Ҳоббит” фильмларининг юлдузи Inside You подкастида Метте-Мари Консведни ўзининг рафиқаси деб атади ва мухлисларини ҳайратда қолдирди. Кейин TMZ нашри кичик суриштирув ўтказиб, жуфтликнинг Лос Анжелес округида рўйхатдан ўтган никоҳ гувоҳномаси борлигини аниқлади.
Элайжа Вуд ва Метте-Мари махфий равишда никоҳдан ўтгани боис айнан қачон ришталарни расман боғлагани маълум эмас.
Аввалроқ ижтимоий тармоқларда уларнинг тўйи ҳақида хабарлар тарқалган эди. Инсайдерлар таъкидлашича, Элайжа ва Метте-Мари Швецияда Янги йил арафасида турмуш қуришган. Маросим кичик ва ёпиқ форматда бўлиб, унда келин-куёвнинг энг яқин 80 га яқин қариндошлари ва дўстлари иштирок этган.
Уларнинг фарзандлари борлигидан кўпчилик бехабар бўлса керак, чунки актёр шахсий ҳаёти ҳақида деярли ҳеч қандай маълумот билан бўлишмайди. Фақат 2023 йилда The Wall Street Journal’га берган интервьюсида у иккинчи фарзанди борлигини айтиб ўтган.
“Оиламизда 3 ёшли ўғлимиз ва 1,5 ёшли қизимиз бор. Қизим бизни эрта тонгдан уйғотади”, дейди Элайжа.
Изоҳ (0)