Зендая ва Том Ҳолланднинг тўйга тайёргарлик кўраётгани ҳақида илк бор 2025 йил бошида бўлиб ўтган “Олтин глобус” мукофотини топшириш маросимидан сўнг хабарлар тарқала бошлади.
Актриса маросимга номсиз бармоғида йирик олмос узук таққан ҳолда ташриф буюрган эди. Шунга қарамай, уларнинг никоҳдан ўтиши ҳақидаги янгиликлар ҳеч кимни ажаблантирмади, чунки мухлислар “Ўргимчак одам”да жуфтлик ролини ўйнаган бу актёрларнинг бирга бўлишини узоқ вақтдан бери орзу қилишган, уларнинг фильмдаги севишганлар ижроси эса жуда ишонарли чиққан.
“Тўйга тараддуд бир неча ой аввал бошлаб юборилган. Миш-мишларга кўра, никоҳ маросими жорий йил ёзда ёки кеч кузда ўтказилиши режалаштирилган, деб хабар берди инсайдер.
Том Зендаяга Рождество таътили пайтида, Зендаянинг АҚШдаги оилавий уйларидан бирида турмуш қуришни таклиф қилган эди.
Тўй маросими кенг кўламда ва ҳашаматли бўлади. Яқин келажакда турмуш қурмоқчи бўлганларнинг асосий муаммоларидан бири бу логистика бўлиб қолмоқда. Шунга қарамай, ёшлар тўйни интиқлик билан кутишмоқда.
“Улар ҳозирда жуда ҳам бахтли. Том ва Зендая бир вақтда ҳам севишганлар, ҳам энг яқин дўстлардир. Уларнинг муносабатлари ҳар томонлама соғлом ва ижобийдир”, дейилади хабарда.
Ҳозирда жуфтлик янги уй қидириш билан банд. Улар биргаликда каттароқ кўчмас мулк сотиб олишни истайди. Шунингдек, Лос Анжелесдаги уйлардан бирини ижарага олишни ният қилган.
Изоҳ (0)