Нью Йоркда тожикистонлик 33 ёшли Мансур Манучеҳри ИШИД ва унинг “Вилоят Хуросон” гуруҳларини молиялаштириш, ўқотар қуролларни ноқонуний сақлаш ва иммиграция фирибгарлигида гумонланиб қўлга олинди. Бу ҳақда АҚШ Адлия вазирлиги сайтида маълум қилинди.
-1NnqLvkQ.jpg)
Вазирлик маълумотларига кўра, Манучеҳри 2016 йил июнь ойида Тожикистондан АҚШга сайёҳлик визаси билан келган, бироқ унинг амал қилиш муддати тугаганидан кейин мамлакатда қолган. 2017 йил март ойида у қонуний мақом олиш мақсадида АҚШ фуқароси бўлган аёл билан сохта никоҳ учун пул тўлаган, бироқ талаб қилинган ҳужжатларни тақдим этмагани сабабли бу мақомни ололмаган.
2021 йил декабридан 2023 йил апрелигача у Туркия ва Суриядаги ИШИДга алоқадор шахсларга, жумладан, 2024 йил январь ойида Истанбулдаги черковга ҳужумда гумон қилиниб, Туркия ҳукумати томонидан ҳибсга олинган шахсга 50 минг доллардан ортиқ маблағ ўтказишга ёрдам бергани айтилмоқда.
Бундан ташқари, вазирлик маълумотларига кўра, Манучеҳри тақиқланган ўқотар қуролга эгалик қилган ва ундан фойдаланган. 2022 йил февраль ойида у Нью-Жерсида ўқ узаётганини видеога олган. Бу видеони у Туркиядаги ИШИДга алоқадор шахслардан бирига “Аллоҳга шукр, мен тайёрман, биродар” деб ёзиб юборган.
Бош прокурор Пем Бондининг айтишича, АҚШ расмийлари “Америка фуқароларига зарар етказишга уринаётганларни қидириш, ҳибсга олиш ва жавобгарликка тортишга тайёр”.
Мен америкаликларнинг хавфсизлигини сақлаш ва кўчаларимизни ёвузликдан халос қилиш учун ишлаётган федерал, штат ва маҳаллий ҳуқуқ-тартибот идораларимизни қўллаб-қувватлайман, дейилади унинг баёнотида.
Агар Манучеҳри айбдор деб топилса, унга максимал 45 йиллик қамоқ жазоси берилиши мумкин.
2024 йил июнь ойида АҚШда ИШИДга алоқадор бўлиши мумкин бўлган тожикистонлик саккиз нафар эркак қўлга олинган эди. ОАВ маълумотларига кўра, улар АҚШга мамлакатнинг жанубий чегараси орқали кириб келган.
Улардан иккитаси 2023 йил баҳорида чегарани кесиб ўтган, биттаси эса Жо Байден маъмурияти томонидан муҳожирларга бошпана олиш учун ҳужжат топширишга ёзилиш имконини бериш учун яратилган CBP Оне иловасидан фойдаланган. Саккиз кишининг барчаси АҚШда қолишга муваффақ бўлди, дастлабки текширув пайтида улар томонидан ҳеч қандай хавф аниқланмади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан “террорчилик ташкилоти” деб топилган.
Изоҳ (0)