Сирдарё вилоятида табиий газдан ноқонуний фойдаланган корхоналар аниқланди, деб хабар бермоқда “Ҳудудгазтаъминот”.
Унга кўра, “Ҳудудгаз Сирдарё” газ таъминоти филиали комплаенс назорат тузилмалари, туман газ таъминоти бўлими ходимлари ва ҳуқуқ-тартибот органлари ҳамкорлигида Сирдарё вилояти Гулистон шаҳрида ўтказилган мана шундай рейдлар вақтида қонунбузилиш ҳолатлари фош этилди.
Шаҳарнинг “Намуна” МФЙда жойлашган “Ш. А. Ҳ.” МЧЖга қарашли бинода газдан фойдаланиш ҳолати кўздан кечирилганда истеъмолчи электрон газ ҳисоблаш ускунасига ўрнатилган бир марталик тамғани ўзбошимчалик билан олиб ташлаб, табиий газдан ноқонуний фойдаланиб келаётгани аниқланди. Ҳолат юзасидан далолатнома тузилиб, газ сарфи қайта ҳисоб-китоб қилинди ва 212 миллион 710 минг сўмлик зарар аниқланди.
Гулистон шаҳрининг “Соҳил” МФЙдаги “А. Ф. М.” МЧЖга қарашли паррандачилик фермасида худди шундан қонунбузилиш ҳолати қайд этилди. Ноқонуний ҳолат бўйича қайта ҳисоб-китоб амалга оширилди ва 57 миллион 743 минг сўмлик зарар ҳисобланди.
Газ ўғирлаётган оҳак цехлари
Март ойида Самарқанд вилоятининг Пахтачи туманида 4 млрд сўмлик табиий газдан ноқонуний фойдаланган яширин оҳак цехи фош этилган эди. Апрелда эса Фарғонада 69,4 млн сўмлик табиий газдан ноқонуний фойдаланган оҳак цехи аниқланган.
Май ойида эса яна Фарғонада 289 млн сўмлик табиий газдан ноқонуний фойдаланиб, оҳак цехи ташкил этилганлиги аниқланган эди. Август ойида Самарқандда 3,3 млрд сўмлик табиий газдан ноқонуний фойдаланиб, оҳак цехи ташкил этган шахс ушланганди.
Сентябрда Фарғонада газдан ноқонуний фойдаланган оҳак цехи масъуллари давлатга 5,5 млрд сўмдан зиёд зарар етказди. Шу билан бирга, айнан Фарғона шаҳрида ноқонуний оҳак ишлаб чиқариш цехи ташкил қилиб, 544,6 млн сўмлик табиий газни ўғирлаганлар қўлга тушган эди.
Юқоридаги ҳолатлар бўйича барча ҳужжатлар ҳуқуқни муҳофаза қилувчи органларга юборилди.
Изоҳ (0)