Фарғона вилоятида эркак бир гуруҳ дўстлари билан собиқ куёвини дўппослади. Ҳолат юзасидан вилоят ФВБ маълумот берди.
Маълум қилинишича, жорий йилнинг 10 март куни Янги аср кўчасида 1992 йилда туғилган фуқаро С.А. собиқ куёви 1992 йилда туғилган А.А. билан синглисини ҳақорат қилгани сабабли ўзаро жанжаллашган. Жанжал давомида С.А. ва бошқалар фуқаро А.А.нинг танасини турли жойларига уриб, тан жароҳати етказган.
Суд-тиббий экспертизасининг дастлабки хулосасида А.А.нинг тан жароҳатлари ўртача оғирликдаги шикастлар тоифасига кириши кўрсатилган.
Мазкур ҳолат юзасидан 13 мартда Фарғона шаҳар ИИО ФМБ томонидан С.А. ва унинг шерикларига нисбатан Жиноят кодексининг 105-моддаси 2-қисми “и” банди билан жиноят иши қўзғатилиб, барчаси процессуал тартибда ушланган.
Ҳозирда тергов ҳаракатлари олиб борилмоқда. Якунига кўра, ҳар бир шахснинг хатти-ҳаракатларига қонуний баҳо берилади.
Пичоқлаш билан якунланган оилавий жанжаллар
Сурхондарё вилоятида эркак қайнукаси томонидан, Самарқандда 70 ёшли эркак 60 ёшли қайнукаси томонидан пичоқланганди. Бухорода эр жанжал сабаб хотинини пичоқлагани, Жиззахда эр рашк сабаб аввал хотинини кейин эса ўзини пичоқлаб ўлдиргани, Вобкент туманида маст фуқаро қайнукасини пичоқлагани тўғрисида хабар берилганди.
Изоҳ (0)