Гоҳида фильмлардаги сизга энг ёққан саҳна режиссёр ёки сценарий муаллифининг иши эмас, балки импровизация қилиш ёки ҳатто сценарийга ўзгартириш киритишга қарор қилган актёрларнинг қарори бўлиши мумкин. AdMe нашри актёрларнинг фикри билан сценарийси ўзгартирилган ва бундан катта фойда кўрган кинокартиналар ҳақида маълумот берди.
Кирстен Данст — “Ўргимчак одам-2”
“Ўргимчак одам-2” фильмини суратга олиш жараёнида продюсерлар Кристен Данстдан тишларининг шаклини тузатишни сўраган, чунки актрисанинг тишлари режиссёрнинг мукаммал табассум ҳақидаги тасаввурига мос келмаган. Бироқ Кристен Данст ўзининг ташқи кўринишини ҳар қандай гўзаллик стандартларига қараганда анча жозибали деб ҳисоблаган. Унинг яқин дўстлари ҳам бу қарорни қўллаб-қувватлаган.
Киану Ривз — “Жон Уик”
“Жон Уик” кинокартинасининг асл сценарийсида бош қаҳрамон 75 ёшда бўлган ва режиссёр бу ролга Клинт Иствуд ёки Харрисон Фордни таклиф қилмоқчи эди. Бироқ у Киану Ривз билан учрашгандан сўнг, бу актёр образни ҳаммадан яхшироқ ўйнашини тушуниб етди. Ривз ҳатто ўз қаҳрамонини ўрта ёшли инсонга айлантириш учун сценарийни таҳрирлашда ҳам қатнашган.
Дуэйн Жонсон — “Shazam” ва “Қора Адам”
Дуэйн Жонсон “Shazam” ва “Қора Адам” кинокартиналарини яратишда катта рол ўйнади. Продюсерлар дастлаб иккала қаҳрамон бирга пайдо бўладиган фильмни яратишни режалаштиришган. Бироқ Жонсон сценарийни ўқиб чиққач, бундай ғоя иш бермаслигини дарҳол англаган. У продюсерларга қўнғироқ қилиб, уларни бу суперқаҳрамонлар алоҳида фильм қилишга лойиқ эканини ишонтирди. Унинг фикрича, бу қаҳрамонларнинг тақдирини фақат комикс мухлислари билган, шунинг учун кенг аудиторияга уларнинг ҳар бири ҳақида батафсилроқ ҳикоя қилиш керак эди.
Жин Хекмен — “Supermen”
Режиссёр Ричард Доннер 1978 йилда “Supermen” фильмидаги ёвуз Лекс Лютор ролига Хекманни танлади. У комиксларда кал қилиб кўрсатилган бўлса ҳам, Хекман сочини олдиришдан ёки сохта кал бўлишдан бутунлай бош тортди.
Умумий фикрга келишнинг иложи бўлмагани учун режиссёр визажистлардан Жиннинг сочларини худди бошида парик бордек қилиб кўрсатишларини сўради. Лекс Лютор фильм охирида, қамоққа ташланганида кал бўлади.
Сара Жессика Паркер — “Бўш”
Сара Жессика Паркерга “Бўш” фильмидаги Расти ролини таклиф қилишади, бу унинг катталар фильмидаги биринчи роли бўлса ҳам, уни рад этади.
Продюсерлар унинг сочини кесиб, қизил рангга бўяшини хоҳлайди ва у охирги суратга тушган фильмидан кейин уни ўстиришга муваффақ бўлади ва қизил ранг унга умуман мос келмайди. Шундан кейин продюсерлар ролни бошқа актрисага, яъни Трейси Нелсонга беради.
Бироқ суратга олиш ишлари бошланганда режиссёр Трейси ўз ишини бажара олмаётганини тушунди ва Сара Жессикани эслади. Лойиҳа ижодкорлари унга қўнғироқ қилади ва эртаси куни суратга олиш жараёнларига келишини сўрайди. Актриса рози бўлади, бироқ бирданига сочини кесмаслигини айтади. Продюсерлар бу муҳим эмаслигини билдиради ва Паркер актёрлик карьерасига катта таъсир кўрсатадиган ролини ижро этади.
Керри Фишер — “Юлдузлар жанги”
“Юлдузлар жанги” фильми франшизасида малика Лея ролини ижро этган Керри Фишер ўзининг “Малика Леянинг кундалиги” номли фильмни суратга олиш чоғида бошидан кечирганлари ҳақида гапириб берган. Актриса озғин бўлишига қарамай, фильм продюсерлари унинг яна 5 кг вазн йўқотишини истаган ва ҳатто уни вазн йўқотиш лагерига жўнатган.
У ишдан бўшатилишидан қўрққан бўлса-да, бир килограмм ҳам вазн йўқотмади ва лойиҳа гўзал Малика Лея туфайли барибир машҳур фильмга айланди.
Харрисон Форд — “Америка граффити”
“Америка граффити” ёзги таътилнинг сўнгги кечасида шаҳар бўйлаб автомашинада сайр қилишга қарор қилган ўсмирлар ҳақидаги фильм. Фильмда Харрисон Форд рол ўйнаган. У шаҳардаги энг яхши кўча пойгачисига қарши курашадиган йигит ролини ўйнаган. Фильмдаги воқеалар 60 йилларда бўлиб ўтади ва барча актёрларнинг соч турмаги ўша даврга мослаб қилинган. Бироқ миш-мишларга кўра, Форд ўзининг роли жуда кичик бўлгани учун сочини олдиришдан бош тортган, шунинг учун унинг қаҳрамони ковбойларнинг шляпасини кийган.
Дуэйн Жонсон машғулотларни тўхтатиш ва вазн йўқотишдан бош тортган
Дуэйн Жонсон Голливуд студияси раҳбарларининг маслаҳатини қабул қилишдан бош тортган, улар актёрга киноларда муваффақият қозониш учун озғин бўлишни ва машҳур тахаллусдан воз кечиши кераклигини айтган. У Голливуднинг гўзаллик меъёрларига риоя қилмасликни ва биринчи навбатда ўзига содиқ қолишни танлади.
— Улар “Ажойиб, лекин нимадир қилиш керак. Сиз жуда оғир машғулотларни тўхтатишингиз, вазн йўқотишингиз керак. Шунингдек, ўзингизни Рок деб номлашни бас қилинг”, дейишди. Буларнинг барчасини тинглаб, мен ўз танловимни қилдим. Голливудга мослашмасликка қарор қилдим, Голливуд менга мослашсин”, — дейди актёр.
Изоҳ (0)