Юлдузли дуэтлар: Экранда табиий кўрингани учун қайта-қайта биргаликда рол ижро этадиган жуфтликлар (фото)

Баъзи актёрлар кадрда шу қадар табиий кўринадики, режиссёрлар уларни янги лойиҳаларига қайта-қайта таклиф қилиш имкониятини қўлдан бой беришмайди.

Ана де Армас ва Крис Эванс

Ана Де Армас ва Крис Эванс дуэти аллақачон 3 та фильмда биргаликда рол ўйнаган. “Қиндан чиққан пичоқлар” комедик детективидан кейин “Кулранг одам” триллерининг суратга олиш майдончасида учрашишади. 2023 йил апрель ойида эса жуфтлик иштирокидаги “Жавобсиз” романтик триллери экранларга чиқди. Актёрларнинг ўзаро муносабати Голливуд продюсерларига маъқул келди.

Ана ва Крис экрандаги образлари ишонарли чиқишини ҳаётда жуда осон тил топиша олганликлари билан боғлашади. “Биз бир-биримизни чин дилдан ёқтирардик, мулоқотда ҳам осон ва очиқмиз, — дейди Ана интервьюсида. — Ўзаро муносабатларимизни сақлаб қолиш учун ҳаракат қилишимиз шарт эмас. Бу ҳақиқий дўстлик”. Ҳали тасдиқланмаган бўлса-да, актёрлар келажакда мусиқий ёки даҳшатли фильмда бирга ишлашга умид қилишмоқда.

Гвинет Пелтроу ва Жуд Лоу

Пелтроу ва Лоу биргаликда 3 та фильмда суратга тушган — “Иқтидорли жаноб Рипли”, “Само капитани ва эртанги дунё”, “Инфекция”. Актрисанинг сўзларига кўра, реал ҳаётда улар ўртасида ҳеч қачон ноз-карашма ёки севги муносабатлари бўлмаган. Шунга қарамай, улар романтик муносабатда бўлган қаҳрамонларни ажойиб тарзда ўйнашга муваффақ бўлди.

Пенелопа Круз ва Жонни Депп

Ёрқин ва харизматик дуэт 3 та фильмда бирга ишлаган. Актёрлар “Кокаин”, “Кариб денгизи қароқчилари: номаълум қирғоқларда”, “Шарқий экспрессдаги қотиллик” каби фильмларда бирга суратга тушган. Кўп йиллик дўстликка қарамай, интервьюда Круз баъзан Депп билан суратга тушиш жуда қийин бўлишини тан олади. Чунки у жуда ҳазилкаш, суратга олиш майдончасида кулиб юбормасликнинг уддасидан чиқиб бўлмайди.

Женнифер Энистон ва Адам Сандлер

Болаликдаги дўстлари Женнифер Энистон ва Адам Сандлер ҳам биргаликда 3 та фильмда суратга тушган. Ҳамкорликдаги илк фильм — “Ёлланма хотин” 2011 йилда чиққан. 8 йил ўтгач, улар “Яхтадаги қотиллик” детектив комедиясида эр-хотин ролини ўйнашади. 2023 йил март ойида эса бу бахтсиз ҳодисаларнинг давоми — “Париждаги қотиллик” фильми экранларга чиқди.

Винсан Кассел ва Моника Беллуччи

Кинонинг энг ёрқин жуфтликларидан бири ҳисобланган актёрлар 8 та фильмда бирга рол ижро этган. Актёрлар 1996 йилда “Квартира” фильмининг суратга олиш майдончасида танишади. Моника ва Винсент кадрда шунчалик табиий кўринадики, режиссёрлар жуфтликни яна ва яна биргаликдаги ролга таклиф қилишади. Улар ўртасидаги муносабатлар нафақат экранда, балки ҳаётда ҳам давом этади.

Афсуски, 2013 йилда ажрашгандан сўнг, улар қўшма лойиҳаларда биргаликда рол ўйнашмайди.

Галь Гадот ва Дуэйн Жонсон

“Форсаж” франшизасининг 4 та фильмида бирга суратга тушишдан ташқари, актёрлар “Қизил хабарнома” жанговар комедиясида ҳам бирга рол ўйнашган.