XXI аср фильмларидаги энг кўп гонорар тўланган машҳур образлар: уларни қайси актёрлар гавдалантирган?

Аксарият актёрлар ҳеч бўлмаганда ўртача ҳисобда маош олишга уринган бир вақтда Голливуднинг профессионал ва жаҳонга машҳур актёрлари биргина лойиҳадан миллионлаб доллар ишлаб олишлари мумкин.

Статистикага кўра, энг катта гонорар олган актёрларнинг маоши бир-биридан бир неча баробарга фарқ қилади. Демак, XXI асрда суратга олинган фильмларда энг кўп маошга эга бўлган актёрлар ва уларнинг роллари билан танишамиз.

9. Том Харди

Кучли тўққизталикка британиялик актёр Том Харди “Ўргимчак одам” фильмидаги Веном образи билан кирди. Мазкур лойиҳа актёрга 7 миллион доллар фойда келтирган. Дарҳақиқат, Американинг Marvel киностудияси актёрларни доимо яхши маош билан таъминлаб келган. Рейтингни кузацангиз, бунга ўзингиз гувоҳи бўласиз.

8. Крис Петт

2018 йилда премьераси бўлиб ўтган “Юра даври дунёси-2” фильмида бош образни гавдалантирган Крис Петт лойиҳа орқали 10 миллион доллар ишлаб олган. Актёр мазкур франшизанинг навбатдаги қисмида ҳам суратга тушган, ундан қанча миқдорда гонорар олгани ҳозирча маълум эмас.

7. Леонардо Ди Каприо

“Омон қолган” фильмида суратга тушган Голливуд юлдузи Леонардо Ди Каприо Хью Гласс образини учун 10 миллион доллардан ортиқ гонорар олган.

6. Кичик Роберт Дауни

“Ўргимчак одам: уйга қайтиш” фильмида Кичик Роберт Дауни ҳам 10 миллион доллар гонорар олган. Аммо мазкур даромад унга фильмда 15 дақиқалик саҳна учун берилгани туфайли рейтингда бошқа актёрларга нисбатан юқори ўринни эгаллади.

5. Том Круз

“Мумиё” фильми учун актёр Том Крузга 13 миллион доллар ҳақ тўланган.

Фильмда суратга тушиш бўйича музокаралар салкам олти ой давом этган. 2015 йил декабрь ойида Тhе Hollywood Reporter нашри актёр оладиган гонорар миқдорини эълон қилган эди. Аввалига режиссёрлар Томга 10 миллион доллар таклиф беришган, актёр эса 15 миллион доллар талаб қилган ва натижада томонлар 13 миллион долларга келишган.

4. Женнифер Лоуренс

“Қизил читтак” фильмидаги образи билан латофатли актриса Женнифер Лоуренс рейтингда тўртинчи ўринни эгаллади. Фильмда Лоуренс СССР даврида яшаб ўтган балерина ва Давлат хавфсизлиги хизмати жосуси ролини ўйнаган. Актриса дублёрлар ва каскадёрларга иш қолдирмаслик учун ойлар давомида кунига уч соатдан ҳар куни балет билан шуғулланган.

3. Вин Дизель

“Форсаж” франшизасининг саккизинчи қисми учун 20 миллион доллар гонорар олган актёр Вин Дизель рейтингимизда фахрли учинчи ўринни эгаллади. “Форсаж” нинг барча қисмлари режиссёр ва лойиҳа иштирокчиларига доимо катта муваффақият олиб келган.

2. Дуэйн Жонсон

2021 йилда катта экранларга чиққан “Қизил огоҳлантириш” фильми актёрга 22 миллион доллар гонорар олиб келган.

    1. Дэниэл Крэйг

Қарийб ўн йилдан бери рейтингда биринчиликни қўлдан бой бермай келган британиялик актёр Дэниэл Крэйг ўзининг Жеймс Бонд образи билан жаҳонга танилган. “Агент 007 — Скайфолл” фильми актёрга 25 миллион доллар даромад келтирган.

Актёр сўзларига кўра, йилдан йилга Жеймс Бонд роли учун гонорар миқдори тушиб борган. Шундай бўлса-да, Дэниэл Крэйг рекордини ҳалича ҳеч қайси актёр янгиламаган.