Тошкент шаҳар Яккасарой туманида номаълум ҳайвон кўчада юргани ҳақида хабарлар тарқалди. Экология бошқармаси ҳолат юзасидан маълумот берди.
Унда айтилишича, ишонч телефонлари орқали қилинган мурожаат асосида Тошкент шаҳар Экология, атроф-муҳитни муҳофаза қилиш ва иқлим ўзгариши бошқармасининг Яккасарой тумани инспекторлари томонидан жойига чиқиб ўрганилганда нотаниш ҳайвон Қизил китобга киритилган 1 дона қорақулоқ экани аниқланган.
Ҳолат бўйича Тошкент ҳайвонот боғи мутахассислари билан ҳамкорликда ушбу ҳайвонни тутиш ишлари амалга оширилиб, ҳайвонот боғига топширилди.
Бундан аввал Бўстонлиқ тумани Бурчмулла давлат ўрмон хўжалигига қарашли Ахсарсой ҳудудида қўнғир айиқ ўлдириб кетилгани ҳақида хабар берилганди. Шунингдек, Сурхондарёда яшайдиган, ўта ноёб тур бўлган, Халқаро ва Ўзбекистон Қизил китобига киритилган тарғил сиртлоннинг (дўлта) Шўрчи туманида ўлдирилгани ҳақида хабар берилган эди.
Изоҳ (0)