Хоразм вилояти Урганч туманида 47 дона буғу ва 3 дона жайрон шохлари ушлаб қолинди. Бу ҳақда вилоят Божхона бошқармаси хабар берди.
Урганч тумани буюм бозорининг юк автомашиналари автотураргоҳида фуқаро Ж.М. бошқарувидаги Isuzu кўздан кечирилганда, фуқаролар Р.Н, Р.Э, Х.Ҳ, Ғ.А ҳамда Ғ.Э.га тегишли бўлган 7 дона қопда ҳайвон шохлари борлиги аниқланди.
Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда. Маълумот ўрнида, буғу ва жайронлар ноёб ҳайвонлар ҳисобланади. Уларнинг тана аъзолари Халқаро табиатни муҳофаза қилиш иттифоқининг Қизил рўйхатига киритилган.
Изоҳ (0)