Давлат экология қўмитаси тасарруфидаги «Қизилқум» давлат қўриқхонасидаги фотоқопқонга ноёб тур — Ўрта Осиё қундузи тушди. Бу ҳақда Давлат экология қўмитаси хабар қилди.
Қайд этилишича, қўриқхона ходимлари томонидан ҳудудда бир неча бор учратилган бўлса ҳам, қундузни тасвирга олишнинг имкони бўлмаган. Қўмита томонидан тақдим этилган фотоқопқонлар орқали қундуз тасвирга олинган ҳамда қўриқхонанинг ҳайвонот дунёси яна бир турга бойигани аниқ маълумот сифатида киритилган.
Маълумот учун, Ўрта Осиё қундузи йўқ бўлиб кетаётган, ТМХИ Қизил рўйхатига ва Ўзбекистон Қизил китобига киритилган сутемизувчи ҳайвон тури ҳисобланади.
Тарқалиши: Ўтган асрнинг ўрталаригача Сирдарё, Зарафшон, Амударё ва унинг қуйилишида кенг тарқалган. Сўнгги ярим асрда ареали кескин қисқарган, ушбу тур фақат Ҳисор-Олой тоғи дарёсидагина қайд этилган. Ғарбий Тян-Шанда борлиги ҳақида маълумотлар йўқ.
Яшаш жойлари: Тошқин тоғ дарёлари, шунингдек, текислик дарёлари ва қайир кўлларида ҳаёт кечиради. Балиққа бой чучук сув ҳавзалари яшаши учун қулай муҳит ҳисобланади.
Изоҳ (0)