“Лиса.ру” нашри Николь Кидманнинг 56 ёшга тўлиши муносабати билан унинг болаликдаги севимли машғулотлари, шунингдек, муҳаббати ва бошдан кечирган қийинчиликлари ҳақида сўз юритди.
Австралия фахри
Николь Кидман “Энг яхши актриса” номинациясида Академия мукофотини қўлга киритган биринчи австралиялик актриса ҳисобланади.
Унинг ватани Америка
Николнинг ота-онаси асли австралиялик, лекин актрисанинг отаси олим бўлгани учун оила Америкага кўчиб келган. Николь туғилгач, унинг оиласи Гаваига кетишга мажбур бўлди. У тўрт ёшга тўлганда, ота-онаси ўз ватанига қайтиб кетди. Сўнгра Австралияда актрисанинг синглиси Антония дунёга келди. Николь Кидман Австралия фуқаролигига эга.
Николь Кидман илк марта ўсмирлик даврида экранларда пайдо бўлган
Николь 15 ёшида мусиқий клипда рол ўйнаган. У 17 ёшида “Divine Madness” мусиқий гуруҳининг аъзоси бўлган.
Актриса сочини қизил рангга бўяган
Николь Кидманнинг сочи аслида сарғиш рангда эди. У сочларини қизил рангга бўяшни хоҳлади, шунда унинг тери ранги ва сочлари ўртасида контраст пайдо бўлган. Баъзида актриса сочини сариқ рангга ўзгартириб туради.
Қуёш нурларидан сақланади
Николь Кидман ҳеч қачон қуёш нурларида тобланмайди, чунки у саратон касаллигидан қўрқади.
“Мен ҳеч қачон қуёшда тобланмайман. Камдан-кам ҳолларда қуёшда тобланган бўлсам ҳам, оёғимда хавфли ўсма бор эди. Уни кесиб ташлашди, шундан кейин қуёшда тобланишни бутунлай тўхтатдим. Соғлиғимдан жуда хавотирдаман, чунки оиламда шифокорлар кўп эди”, — деган у 2007 йилда берган интервьюсида.
Актрисанинг ўз юлдузи бор
2003 йилда Кидман Шон-шараф хиёбонида ўз юлдузига эга бўлди.
Николь Кидман Том Круз билан турмуш қурган
Актриса 1990 йилда Голливуд актёри Том Круз билан турмуш қурган ва 2001 йилда у билан ажрашган. Жуфтлик биргаликда учта: “Узоқ-узоқда”, “Момақалдироқ кунлари” ва “Кўзлар кенг юмилган” фильмларида рол ўйнади. Тахминларга кўра, сўнгги фильмда суратга олингандан кейин жуфтлик ажрашишга қарор қилган.
Жуфтликнинг бўйидаги катта фарқ
Кидманнинг бўйи 180 сантиметр, Круз эса 166 сантиметр. Аввалига актёрда бундай катта фарқ туфайли комплекслар ҳам бўлган, аммо кейин у бу масалани психолог ёрдамида ҳал қилган.
Мактабда зўравонликка дуч келган
Николь Кидманни мактабда баланд бўйи ва сочлари туфайли синфдошлари масхара қилган. Актрисага “Сабзи”, “Швабра” ва “Новча” лақабини қўйишган.
Актриса сохта бурун қўйишларига рози бўлган
Николь ёзувчи Виржиния Вулф ролини ўйнаган “Соатлар” фильмини суратга олиш чоғида ролга шунчалик киришиб кетганки, у ўнг қўли билан ёзишни ўрганган (актриса чап қўл) ва туб ўзгаришларга рози бўлган.
Масалан, грим усталари унга бир неча қаватли макияжни қўллашди ва ҳатто сохта бурун қўйишди. Актриса ҳатто танаффус пайтида папаратцилар уни танимасликлари учун сохта бурунни ечмаган ва журналистларнинг Круз билан ажрашиш ҳақидаги саволига жавоб бермаган.
Юқори IQ
Николь ўрта мактабни тугатмаган бироқ бу унинг ўртача 132 баллдан юқори IQ эгаси бўлишига тўсқинлик қилмаган. Бундай кўрсаткич фан номзодларида учрайди.
Актриса ўз қадрини билади
Кидман 4 дақиқалик суратга олиш жараёнлари учун унга 4 000 000 доллар тўлашларини талаб қилган. Актриса Chanel брендининг реклама ролигида иштирок этгани учун 3,71 миллион даромад олган.
Севимли машғулотлари
Актрисанинг асосий севимли машғулоти — ёзиш. У нашр қилишни истамайдиган кичкина ҳикоялар устида ишламоқда. У ёшлигида ўз ҳаётини бадиий адабиёт билан боғламоқчи эди, чунки бу ғояни унга отаси берган эди.
Кидман пианинони яхши чалади ва буни унинг иштирокидаги “Совуқ тоғ” фильмини томоша қилиш орқали текширишингиз мумкин. Лойиҳада актрисанинг ўзи барча мусиқаларни клавиатурали асбобда ижро этган.
У лепидоптерофобия касаллиги билан оғриган
Оддий қилиб айтганда, Николь капалаклардан жуда қўрқади. Ундаги бу фобия болалилигида пайдо бўлган, бироқ актриса ҳали ҳам уни енга олмаган.
“Мактабдан уйга қайтаётиб, уй олдидаги дарвозада улкан капалак турганига кўзим тушди. Мен бу йиртқич ҳайвон бор дарвозадан ўтмаслик учун панжарадан ошиб тушишим ёки уйнинг орқа томонига йўл олишим керак эди”, — дейди актриса.
Актриса ғайриоддий фобиядан халос бўлишга бир неча бор уриниб кўрди ва ҳатто жонли ноёб капалаклар билан музейга кирди. Капалаклардан бири Кидманга тегиб кетганида, актриса улардан жирканишини ҳис қилган. Аммо у сувараклар, каламушлар ва илонлардан умуман қўрқмайди.
Яхши ният элчиси
Кидман 2006 йилдан буён ривожланмаган мамлакатларда аёллар ҳуқуқларини ҳимоя қилиш билан шуғулланувчи UNIFЕМ ташкилотининг Яхши ният элчиси ҳисобланади.
Изоҳ (0)