Ливандаги “Ҳизбуллоҳ” гуруҳи П-800 “Яхонт” кемаларга қарши ракеталар билан қуролланган. Бу ҳақда “Ҳизбуллоҳ” арсеналидан хабардор манбаларга таяниб, Reuters хабар берди.
.jpg)
Хабарга кўра, “Ҳизбуллоҳ” бу ракеталарни Суриядан уруш пайтида ҳукумат кучлари томонидан олган. “Ҳизбуллоҳ”нинг кемаларга ҳужум қилиш қобилияти жангарилар биринчи марта Исроил денгиз кемасига ҳужум қилган 2006 йилдан бери сезиларли даражада ошган.
Reuters суҳбатдошининг сўзларига кўра, “Ҳизбуллоҳ”да “ ъЯхонтъ ва, албатта, бошқа нарсалар ҳам бор”. Гуруҳ ҳайратланарли қурол-аслаҳа, кемаларга қарши ракеталар тўплаганини АҚШ уч нафар амалдаги ва бир нафар собиқ расмийси тасдиқлади. Улар Пентагон тегишли муаммога жиддий ёндашаётганига ва минтақада жойлашган Америка флоти ракетага қарши мудофаага эга эканига ишонтирди.
“Ҳизбуллоҳ” етакчиси Сайид Ҳасан Насруллоҳ ноябрь ойида Ўрта Ер денгизи шарқий қисмига келган АҚШ ҳарбий кемаларини тилга олганди. У гуруҳнинг уларни нишонга олиш учун воситалари борлиги ҳақида ноаниқ огоҳлантирган.
“Сизлар бизни таҳдид қилаётган флотга тайёрланиб қўйганмиз”, — деган Насруллоҳ.
АҚШ Ўрта Ер денгизидаги ҳарбий-денгиз кучлари, жумладан, иккита самолёт ташувчи ва ёрдамчи кемалари ҲАМАС, “Ҳизбуллоҳ” каби гуруҳларни қўллаб-қувватлаётган Эронни ўз ичига олган ҳолда минтақада можаро тарқалишининг олдини олиш учун жойлаштирилганини айтган.
Изоҳ (0)