Ижтимоий тармоқларда бир аёл ўқитувчини ўқувчилар олдида калтаклагани акс этган видео тарқалиб, кўплаб муҳокамаларга сабаб бўлди. “Миллар” дастурида ҳолат юзасидан маълумот берилди.
Келтирилишича, аёл фарзандини калтаклаганликда айлаб, ўқитувчини дўппослаган. Ҳолат юзасидан унга нисбатан суд ҳукми ўқилди.
Унга кўра, аёл Жиноят кодексининг 277-моддаси 2-қисмида назарда тутилган жиноятни содир этганликда айбли деб топилди ва икки йил муддатга озодликдан чеклаш жазоси тайинланди.
Эслатиб ўтамиз, “Педагогнинг мақоми тўғрисида”ги қонун асосида педагогларнинг ўз касбий фаолиятини юритиши учун ташкилий-ҳуқуқий шарт-шароитлар яратилиб, уларнинг ижтимоий ҳимояси таъминланиши ва ҳуқуқлари амалга оширилиши учун кафолатлар берилиши орқали уларнинг мақоми тан олинади. Қонунда педагоглар ўз касбий фаолиятини амалга ошириши учун уларнинг ҳуқуқлари қатъий белгилаб қўйилган.
Аввалроқ Сирдарёда ўқитувчи 1-синф ўқувчисини қўлига игна санчиш билан жазолагани ҳақида хабарлар тарқалганди. Суриштирув давомида юқоридаги ҳолат тасдиғини топмаган. Сирдарёда икки ўқувчи қиз ўқитувчини ургани акс этган видео тарқалди. Ҳолат вилоят Мактабгача ва мактаб таълими бошқармаси ва соҳа масъуллари назоратига олинди.
Қашқадарёнинг Шаҳрисабз туманидаги мактабда ўқитувчи 5-синф ўқувчисини уриб жароҳатлади. Қарши шаҳридаги мактабда ўқитувчи ва ўқувчи ёқалашгани тасвирлари тарқалди. Алгебра фани ўқитувчиси ва 10-синф ўқувчиси бўлган икки қиз ўртасида ўзаро келишмовчилик келиб чиқиб, оғзаки тортишиб қолган. Уларнинг хатти-ҳаракатларига чора кўриш учун судга берилган.
Тошкентдаги мактабда аёл дастлабки иш кунида ўқувчини калтаклагани ҳам кенг муҳокамаларга сабаб бўлганди. Аёл жазоланиб, мактаб директори ишдан олинганди.
Изоҳ (0)