Президентнинг Осиё инфратузилмавий инвестициялар банки Бошқарувчилар кенгашининг тўққизинчи йиллик йиғилишида нутқ сўзлаши, Фарғонада поезд устида селфи тушмоқчи бўлган икки синфдошни ток уриши, Тошкентдаги мактабда ўқитувчи биринчи иш кунида ўқувчини калтаклаши — “Дарё” нашри бугун, 25 сентябрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Фарғонада поезд устида селфи тушмоқчи бўлган икки синфдошни ток урди
Уларнинг аҳволи ҳақида маълумот берилди.
Сирдарёдаги футбол майдонида одамлар устига Captiva ҳайдаган эркакка ҳукм ўқилди (видео)
“Таваккал дедим-да, стадион дарвозасига қараб ҳайдадим”, дея эркак ўз айбига иқрорлик билдирган.
Тошкентда Lacetti ва Malibu тўқнашуви оқибатида уч киши жароҳатланди (видео)
Malibu 2002 йилда туғилган фуқаро бошқарувида бўлган.
Саидикром Ниёзхўжаев Ўзбекистоннинг Қирғизистондаги элчиси этиб тайинланди
У 2018 йилдан буён Қозоғистонда элчи бўлиб ишлаган.
Тошкентдаги мактабда ўқитувчи биринчи иш кунида ўқувчини калтаклади (видео)
Воқеа 6-синф ўқувчилари дарсида содир бўлган.
“Ҳеч бўлмаса миллион бўлсин, конвертга солиб берардим”. Шайхонтоҳурдаги мактабларда ўқитувчилар байрами учун пул йиғиш бошланди
“Биз ҳам ҳаракат қилайлик, ҳеч бўлмаса 20 киши берсин. 1 миллион бўлсин. Ўзига пулни бераман, керакли нарса олади”, дейди байрам учун ота-оналардан пул йиғишни одат қилган “кассир она”.
“Аҳоли даромади ўртачадан юқори бўлган мамлакатлар қаторига кириш учун олдимизга катта-катта марраларни қўйганмиз” — Шавкат Мирзиёев
Президент Осиё инфратузилмавий инвестициялар банки Бошқарувчилар кенгашининг тўққизинчи йиллик йиғилишида нутқ сўзлади.
Президент Тошкентдан Самарқанд ва Андижонга пулли автомобиль йўллари қурилиши ҳақида гапирди
Айрим йўналишларда тезюрар поездлар учун янги темир йўл қуриш лойиҳалари амалга оширилишини айтди.
Тошкентда иккита Yutong автобуси тўқнашди
Тан жароҳати олганлар йўқ, автобуслар техник шикастланган.
Фермерлар кенгаши Сурхондарё вилояти Қишлоқ хўжалиги бошқармаси бошлиғи Раҳматулло Ғаффоров устидан Бош прокуратурага мурожаат қилди
Сурхондарё вилояти Қишлоқ хўжалиги бошқармаси бошлиғи туман ҳокимига ҳамма фермерларни мажлисга йиғиб, биржа томонидан ташлаб берилган “бланка”га муҳр ва имзо қўйдириш топшириғини берган.
“Марказий Осиёда сув ресурслари тақчиллиги муаммолари ўткир тус оляпти” — Шавкат Мирзиёев
Президент ўртача глобал ҳарорат 2030 йилдаёқ 1,5 даражага ортиши мумкинлиги ҳам жиддий хавотирга солаётганини айтди.
Тошкент шаҳри ва унинг атрофида 2030 йилдан бошлаб ёқилғи сифатида мазутдан фойдаланиш тақиқланади
Ўзбекистонда чанг бўронларига қарши курашиш ва уларнинг оқибатларини юмшатиш бўйича 2024–2030 йилларга мўлжалланган миллий дастур тасдиқланди.
Ўзбекистон президенти ОИИБ билан 2030 йилгача бўлган стратегик шериклик дастурини қўллаб-қувватлади
Шавкат Мирзиёев халқаро молия институти президенти Цзинь Лисюнни қабул қилди.
Саида Мирзиёева Британия музейида “Ипак йўллари” кўргазмасининг тантанали очилиш маросимида қатнашди
Кўргазмада Ўзбекистон музейларидан тўпланган, бой тарихий ва маданий меросимизни акс эттирувчи нодир, қимматли осори атиқалар намойиш қилинади.
Доҳада йил якунига қадар Ўзбекистон — Қатар Ҳукуматлараро комиссия йиғилиши ва қўшма бизнес форуми ўтказилади
Шавкат Мирзиёев Қатар молия вазири Али бин Аҳмад ал-Куварий бошчилигидаги делегацияни қабул қилди.
“Ўзбекистон ҳаво йўллари” дунёнинг йирик авиакомпанияси билан шартнома имзолади
SMBC Aviation Cаpital вакили “Ўзбекистон ҳаво йўллари”ни янги мижоз сифатида кутиб олишдан мамнунлигини ҳамда кўп йиллик муваффақиятли ҳамкорликка тайёр эканини маълум қилди.
Изоҳ (0)