Ёш сеҳргарлар мактаби ва у ердаги ўқувчиларнинг саргузаштлари ҳақидаги фильмни кўрмаган ёки у ҳақда эшитмаган инсонни топиш мушкул. “Гарри Поттер” франшизаси болалар ва катталар бирдек мириқиб томоша қиладиган асарлардан биридир. Мазкур фантастик фильмни яратиш учун тасвирга олиш жамоаси жуда кўп тер тўккан. Бу сафарги ҳикоямиз фильмга актёрлар қандай қилиб саралаб олингани ҳақида бўлади.
Дэниэл Редклиф Гарри Поттерни ижро этишни истамаган
Гарри Поттер образини ижро этиш учун актёрни топиш бутун кастинг жараёнининг энг қийин қисми бўлган. Бошқа роллар учун деярли барча актёрлар аллақачон танланган вақтда Гаррига даъвогарлик қиладиган бола топилмаган. Сўнг Дэниэл ёш Девид ролини ўйнаган “Девид Копперфилд” фильмини тасодифан томоша қилганида режиссёр Крис Колумб шу заҳотиёқ ўзларига керак бўлган актёр ким эканлигини англаб етган. Аввалига Редклиффнинг ота-онаси бунга рози бўлмаган, уларни кўндиришга режиссёр узоқ вақт уринган ва охир-оқибат масала ижобий ҳал қилинган.
Эмма Уотсон ҳеч қандай тажрибага эга бўлмаган
Эмма Уотсон дастлаб “Гарри Поттер” франшизаси учун тингловдан бош тортди, лекин охир-оқибат уни фильмда иштирок этишга кўндиришгач, Уотсон франшизанинг бир қисми бўлиш имконияти учун кураша бошлади. Эмма дарҳол Гермиона образида бўлишни истади, аммо кўплаб номзодларга танлаш имконига эга бўлмаган.
Биринчи танловдан ўтган минглаб қизлар орасида Ж.К Роулинг айнан унга эътибор қаратди ва бу имконият Уотсонга яна еттита тингловдан ўтишига ёрдам берди. Унинг фильмга қабул қилинмаслигидан Эмманинг ўзидан кўпроқ ота-онаси қўрққан.
Руперт Гринт эътибор тортиш учун реп ижро этган
Руперт Гринт болалигидан қатъиятли йигит бўлган. Фильм кастингида биринчи уриниш муваффақиятсиз бўлган, иккинчи марта юборган маълумотларига ҳам ҳеч қандай жавоб келмаган. Сўнг хафа бўлиш ва таслим бўлиш ўрнига у тингловга яна бир ижод намунасини юборган: бу сафар Гринт ўз қаламига мансуб репни ижро этди ва драма саҳнасини гавдалантирган видеотасвирни намойиш этди. Ана шундан сўнггина фильм ижодкорлари Руперт Гринт билан боғланган ва уни Рон Уизли қаҳрамони учун тасдиқлаган.
Ричард Харрис набираси илтимоси учунгина суратга тушишга рози бўлган
“Гарри Поттер ва ҳикматлар тоши” фильмини суратга олиш вақтида Ричард Харрис 70 ёшга бориб қолган эди. Ёши катта бўлгани учун у Дамблдор образига таклифни уч марта рад этди. Режиссёр унга бир неча бор қўнғироқ қилган ва ҳар суҳбатда кўпроқ гонорар таклиф қилган. Аммо Харрис узоқ давом этадиган франшизада ишлашни истамади, чунки қарилик вақтини тинчликда ўтказишни режалаштирган эди. Аммо кутилмаганда унинг набираси бу ҳақда билиб қолди ва бобосига шарт қўйди: ё у Дамблдор ролини ўйнашга рози бўлади ёки набира бобоси билан гаплашишни тўхтатади. Ричард Харрис учун ҳар қандай пул ёки продюсерларнинг ваъдаларидан кўра набирасининг сўзлари муҳимроқ эди. Кўп ўтмай у Дамблдор ролига рози бўлди ва ишга киришди, аммо мазкур образ унинг охиргиси бўлиб чиқди.
Алан Рикман салбий қаҳрамонни ўйнашни истамаган
Биринчи фильмларда Северус Снейп антиқаҳрамон сифатида кўрсатилган. Франшизанинг илк қисмларида у ҳатто ёзув одамга ўхшаб ҳам кўринган. Бу факт дастлаб Алан Рикманни Северус ролини ижро этишдан тўхтатган, чунки актёр салбий қаҳрамонни гавдалантиришни истамаган. Аммо уни ҳеч қандай тингловларсиз фильмга қабул қилишган. “Гарри Поттер” да иштирок этиш имкониятини қўлда бой бермаслик лозимлигини Рикманга унинг агенти ишонтирган.
Актёр Робби Колтрейн муаллиф Ж.К. Роулинг томонидан танланган
Робби Колтрейн тингловдан ўтмасдан франшизага қабул қилинган камёб актёрлардан биридир. Бундан ташқари, уни Ж.К Роулингнинг ўзи танлан олган. Китоб муаллифи актёрда бошқалар кўрмаган ажойиб ҳарактер ва Ҳагрид образига хос жиҳатларни кўрган. Кейинчалик, Колтрейннинг ўзи ҳам бу мавзуга тўхталиб, “Гарри Поттер”дан олдин асосан ёзув одамларни ижро этгани учун уни қабул қилишганидан ҳайратда қолганини тан олган.
Гарри Олдман пул зарур бўлгани учун кастингга келган
2002 йилга қадар актёр “Дракула”, “Леон”, “Бешинчи элемент”, “Ганнибал” каби лойиҳалард иштирок этган. Гаррининг тан олишича, сеҳргарлар мактаби ҳақидаги фильмга таклифни фақатгина пул учун қабул қилган, чунки актёр ўша вақтда иқтисодий инқирозни бошидан ўтказаётган бўлган. Аммо вақт ўтиб франшиза актёрга шунчаки пул манбаидан ҳам қизиқроқ ва қадрлироқ лойиҳага айланган.
Изоҳ (0)