“Гарри Поттер ва ҳикматлар тоши” фильми инглиз ёзувчиси Ж. К. Роулинг қаламига мансуб фентези жанридаги романлар тўплами асосида яратилган. Франшизанинг биринчи қисми премьераси бундан роппа-роса 23 йил муқаддам, 4 ноябрь куни Лондондаги Одеон кинотеатрида бўлиб ўтган. Шу муносабат билан кинотеатр биноси илк бор Ҳогварц мактаби кўринишида безатилган.
Тадбирда франшизанинг уч нафар асосий қаҳрамонини ижро этган ёш актёрлар: Дэниэл Редклифф, Руперт Гринт ва Эмма Уотсон иштирок этди. Ўша вақтда болалар ҳали ҳеч кимга номаълум эди, лекин фильм премьерасидан сўнг кейин улар дунёга машҳур юлдузларга айланишди.
Франшизанинг премьерасида улар 11-13 ёшда эди. Қуйида ёш актёрларнинг илк бор қизил гиламга чиққан суратларини тақдим этамиз. Ўша вақтда уларни буюк келажак кутаётганини билмас эдилар.
Премьерада Гарри Поттернинг “онаси” — ёзувчи Ж.К. Роулинг ҳам иштирок этди. У тадбирга Нил Мюррей билан ташриф буюрди. Фильм премьерасидан кўп ўтмай жуфтлик турмуш қурди. Тўй 2001 йил 26 декабрда бўлиб ўтган. Ҳозирда улар расман ажрашган.
Гарри Поттер романлари туркумининг биринчиси бўлмиш “Гарри Поттер ва ҳикматлар тоши” асари 1997 йил 26 июнда чиқарилди. Роман умумжаҳон бўйлаб машҳурликка эришди, танқидчилар томонидан ижобий баҳоланди ҳамда тижорий жиҳатдан муваффақият қозонди. 2018 йилнинг февралига кўра, Гарри Поттер романлари тўплами бутун дунё бўйлаб 500 миллиондан ошиқ нусхада сотилди.
Ушбу романлар туркуми асосида Warner Broc. Pictures томонидан саккизта фильм суратга олинди. Франшиза 25 миллиарддан ортиқ даромад қилди ва бунинг ортидан тарихдаги энг кассабоп фильмлар қаторидан жой олди.
Изоҳ (0)