“Гарри Поттер ва ҳикматлар тоши” фильмидаги актёрлар 23 йилдан сўнг қанчалик ўзгарган?

Кўпчилигимиз Гарри Поттерни томоша қилиб катта бўлганмиз. Саргузаштларга иштиёқманд ёш қаҳрамонлар энди бола эмаслигини кўриш янада ҳайратланарли. Тўсатдан актёрлар гўзал аёллар-у улғайган эркакларга айлангандек гўё.

Дениел Редклифф — Гарри Поттер

Дениел Редклиффни Гарри Поттер ролига бутунлай тасодифан топишган. Режиссёр Крис Колумбус “Девид Копперфилд” телесериалини томоша қилаётганда, ёш Дениелда дарҳол Гарри Поттерни кўрган. Редклиффнинг ота-онаси дастлаб бир нечта фильм учун шартнома имзолашга қарши бўлишган бўлса-да, охир-оқибат рози бўлишади ва йиллар ўтиб Даниэль энг юқори маош олувчи актёрлардан бирига айланади. Бироқ бу фильмдан сўнг у ўзига кўпроқ қизиқарли ролларни синаб кўриш ва ўзига ёпишиб қолган Гарри Поттер ролидан қутулиш учун нисбатан кичик бюджетли оригинал ва ғайриоддий фильмларга эътибор қаратди. У “Эл Янкович тарихи”, “Преториядан қочиш”, “Акимбо тўппончалар”, “Мутлақ ҳокимият” ва “Чангалзор” каби фильмларда суратга тушган бўлса-да, томошабинлар уни биринчи навбатда “Гарри Поттер” орқали эслайди.

Руперт Гринт — Роналд Уизли

“Гарри Поттер” тугагандан сўнг дастлабки пайтда Руперт Гринтга осон бўлмаган бўлса-да, у яна ўзини намоён этишга эришди. Бир неча йил давомида у кичик роллар билан чекланиб, фильмлари сони йилига зўрға иккитадан ошди. Бундан ташқари, 2015 йилда у саккиз йилга катта кинони тарк этиб, бу вақт мобайнида фақат сериалларда суратга тушди. Бироқ 2017 йилдан бошлаб у “Хизматкорли уй”, “Касаллик тарихи” ва “Катта ўлжа” сериалларида бош ролларни ижро этди. Аммо тақдир синовлари шу билан тўхтамади. Бир неча йил давомида Рупертга қарши иш юритилди ва натижада у 15 йил мобайнида сохта фирма орқали солиқлардан бўйин товлагани ҳамда шу сабабли 2 миллион доллардан ортиқ солиқ тўлаши кераклиги маълум бўлди.

Эмма Уотсон — Гермиона Гренжер

“Гарри Поттер” фильмини суратга олиш пайтида Эмма Уотсон диққат-эътиборини ўқишга қаратиш учун фильмдан кетмоқчи эди. Сценарийчи, режиссёр ва продюсерлар Эмма билан у учун энг қулай шартлар асосида шартномани қайта тузишга муваффақ бўлди. Бироқ у барибир кинони тарк этди, лекин орадан йиллар ўтиб, Уотсон “Соҳибжамол ва махлуқ”, “Сфера” ва “Кичик аёллар” фильмларида рол ўйнади. Шуниси эътиборга лойиқки, Эмма “Ла-Ла Ленд” фильмида бош ролни ўйнаши керак эди, лекин “Соҳибжамол ва махлуқ”даги роли сабаб таклифни рад этади, мазкур ролга эса Эмма Стоун тасдиқланади.

Алан Рикман — Северус Снегг

Алан Рикман Голливудга келганида романтик ва драматик фильмларда рол ўйнашни орзу қилганди. Бироқ унга таклиф этилган илк рол “Ўтда ёнмас” фильмидаги ёвузи Ганс образи эди. Рикман бу ролга истамайроқ розилик беради, аммо айнан шу рол уни машҳур қилади. Шундай қилиб, Рикман “Ҳақиқий севги” ва “Ақл ва туйғулар” фильмларида суратга тушади, 2001 йилда эса “Гарри Поттер” асосий актёрлар таркибига қўшилади. “Гарри Поттер”дан кейин Алан “Гамбит”, “Сарой хизматкори”, “Версал романи” фильмларида рол ўйнайди. Актёр 2016 йилда вафот этади.

Робби Колтрейн — Рубеус Хагрид

Робби Колтрейн ҳам ташқи кўриниши туфайли кўпинча салбий қаҳрамонларни ижро этарди, бироқ Жоан Роулинг унга ўзини янги қиёфада — меҳрибон ярим паҳлавон сифатида намоён этиш имкониятини беради. Робби бу имкониятни доимо қадрлар ва орзу қилишга ҳам журъат этмаган ишни амалга оширганини тез-тез таъкидларди. Афсуски, “Гарри Поттер” тугаши билан Робби Колтрейн кино оламидан кетади. Унинг соғлиғи билан боғлиқ жиддий муаммолари бор эди, улар йил сайин кучайиб борарди. 2019 йилда у ногиронлар аравачасидан фойдалана бошлайди ва уч йилдан сўнг эса оламдан ўтади.

Том Фелтон — Драко Малфой

Том Фелтон “Гарри Поттер” финалидан кейин ўзини гўё очиқ океанга улоқтирилгандек ҳис қилганини ва у ерда ўзини қайтадан топишга мажбур бўлганини айтганди. Бироқ барча қийинчиликларга қарамай, Том бир нечта яхши ролларни ижро этишга ва аввалги даражага етмаса-да, шуҳратини қайта тиклашга эришади. Фелтон ҳеч қачон “Гарри Поттер”ни унутмайди ва ҳатто худди шу номдаги янги сериалда рол ўйнашига умид қилади. Шу вақтгача у “Хогварцга қайтиш” фильмида иштирок этди ҳамда Драко ролини ижро этган даврлар ҳақида хотираларини ёзди.

Мегги Смит — Минерва Макгонагалл

Мегги Смит ролига кастингсиз тасдиқланган тўрт актёр қаторига киради. Қолганлари Дамблдор ролини ўйнаган Ричард Харрис, Робби Колтрейн ва Алан Рикман эди. Аммо йиллар ўтиб, у “Гарри Поттер” ва “Даунтон аббатлиги” сериалини актриса сифатида ёқтирмаслигини айтади. Фаолиятининг охирига келиб, Смит “Даунтон аббатлиги”, “Фургондаги хоним”, “Мериголд меҳмонхонаси” ва “Менинг кампирим” ҳақидаги фильмларда суратга тушишга муваффақ бўлади. Мегги ҳам фаол театр актрисаси эди, аммо у охирги марта фақат 2019 йилда чиқиш қилган. 2024 йилда вафот этганида 89 ёшда эди, 90 ёшига деярли 3 ой қолганди.