50 ёшда ҳаёт энди бошланади: кексайганда машҳурликка эришган актёрлар

Бугунги эътиборимизга тушган қаҳрамонларнинг умумий бир жиҳати бор: улар умрларининг деярли ярмини машҳурлик ва муваффақият учун курашиб ўтказган. Қийинчиликларга қарамай, кеч бўлса-да, улар ўз мақсадига эришиб, бутун дунёга таниқли юлдузга айландилар. Ахир айтганларидек, 50 ёшдан кейин ҳаёт энди бошланади.

Лесли Нилсен. 54 ёшида машҳур бўлди

Лесли Нилсен канадалик актёр бўлиб, кўплаб комедия ва драматик фильмлардаги роллари билан танилган. У 1926 йил 11 февралда Канадада туғилган, актёрлик фаолиятини 1950 йилларда бошлаган ва дастлаб жиддий ролларда, айниқса, илмий-фантастик ва драматик фильмларда иштирок этган. Кейинчалик комедия жанрига ўтиб, ўзининг ўткир ҳазилкашлиги ва юз ифодалари билан танилган.

Унинг энг машҳур ролларидан бири 1980 йилда чиққан “Аэроплан” фильмидаги доктор Румак образидир. Шунингдек, “Бўш тўппонча” трилогиясидаги лейтенант Франк Дребин роли орқали халқ орасида улкан шуҳрат қозонган. Актёрнинг ўзига хос комедия услуби ҳазилларни жиддий оҳангда етказишга асосланган эди, бу эса унинг фильмларини бошқа лойиҳалардан ажратиб турган.

Татьяна Пелцер. 51 ёшида рус халқи эътиборини қозонган

Татьяна Пелцер 1904 йилда Москвада туғилган. Унинг отаси — Иван Пелцер таниқли театр актёри ва режиссёр эди. Отаси Татьяна ҳаётида катта рол ўйнаб, унинг актрисалик қобилиятини ривожлантиришга ёрдам берган.

Пелцер театрдаги фаолиятини ёшлигидан бошлаган. У дастлаб театр труппаларида иштирок этган, кейинчалик Москвадаги машҳур театр саҳналарида ўзининг маҳоратини намойиш қила бошлаган.

Татьяна кино оламидаги муваффақияти ҳам театрга тенг бўлган. У кўпинча меҳрибон оналар, шўх бувилар ёки донишманд кекса аёллар образларини ижро этган. Унинг “Сарполи тўй” (1953) фильмидаги Лукаря Похлебкина образи актрисага катта машҳурлик келтирган. Сўнг Пелцер “12 та стул” (1976), “Шунчаки Мария” сериалида иштирок этган.

Татьяна Пелцер фаолияти давомида кўплаб унвон ва мукофотларга сазовор бўлган. У “Россия халқ артисти” унвони билан тақдирланган ва театр ҳамда кино ривожига катта ҳисса қўшган санъаткор сифатида эътироф этилган.

Морган Фриман. 50 ёшида илк бор “Оскар”га сазовор бўлган

Морган Фриман омад юлдузини ярим аср кутишига тўғри келди — ҳақиқий шон-шуҳрат унга 52 ёшида “Дейзи хоним ҳайдовчиси” фильмидаги ролидан кейин келди. “Кўча йигити” фильмига таклиф қилинганидан кейингина 50 ёшли актёрнинг карьераси ниҳоят яхшилана бошлади. Унинг актёрлик маҳорати танқидчилар томонидан олқишланди ва мазкур лойиҳа учун Фриман “энг яхши актёр” номинациясида ғолиб бўлди.

Сўнг у “Кўча боласи” фильмида ўзининг биринчи эътиборга лойиқ ролини ўйнади, ҳатто бу учун яна бир бор “Оскар”га номзод бўлди. Орадан вақт ўтиб у “Етти” ва “Шоушенкдан қочиш” каби фильмларда суратга тушди.

Ҳозирда актёрнинг иштирокида 100 дан ортиқ фильмлари бор. Ва бу ажабланарли эмас. Деярли ҳар йили Морган бир нечта лойиҳаларда рол ўйнайди. Актёр 4 марта оила қурган, турмушининг ҳаммасидан икки ўғил ва икки қиз бор.

Иен Маккелен. Гендалф образи билан танилганда 62 ёшда эди

Ен МакКеллен фильмларда суратга тушишни 30 ёшдан кейин 70 йилларда бошлаган, аммо у 2000 йилларда, 60 ёшида бир вақтнинг ўзида иккита машҳур лойиҳада: “Ғаройиб одамлар” (профессор Магнето) ва “Узуклар ҳукмдори” (Гендалф) фильмларида рол ўйнаган ҳолда томошабинлар орасида шуҳрат қозонган.

Мегги Смит. Минерва Макгонагал образи гавдалантирганда 67 ёшда эди

Мегги Смит “Гарри Поттер” фильмида ушбу ролга кастингсиз тасдиқланган камёб актрисалардан эди. У “Даунтон аббатлиги”, “Фургондаги хоним”, “Мериголд меҳмонхонаси” ва “Менинг кампирим” каби фильм ва сериалларда суратга тушишга муваффақ бўлган.

Мегги ўз даврида фаол театр актрисаси ҳам эди, аммо у охирги марта фақат 2019 йилда саҳнага чиққан. 2024 йилда вафот этганида 89 ёшда эди.

Жуди Денч. 61 ёшида Жеймс Бонднинг раҳбари ролини ўйнаган

Буюк Британияда актриса сифатида машҳурлик қозонишига қарамай, Денч Америка фильм саноатига ҳам кириб келди. У 1995 йилда суратга олинган “Олтин кўз” фильмида Жеймс Бонднинг раҳбари образи орқали муваффақиятга эришди. Денч ўша вақтда 61 ёшда эди. У фильм ортидан “Оскар” мукофотини қўлга киритди ҳамда олтита турли хил номинациялар соҳибасига айланди

Глория Стюарт. Бутун жаҳонга 87 ёшида танилган

“Титаник” фильмидаги энг кекса қаҳрамонни гавдалантирган америкалик актриса Глория Стюарт бутун умри давомида ўнлаб ролларни ижро этган. 23 ёшида актриса “Кўринмас одам” фильмида рол ўйнаб, илк бор ўз юртида танила бошлаган. 1932 йилда у “Эски қўрқинчли уй” даҳшатли фильмида ҳам суратга тушган.

Иккинчи жаҳон уруши даврида у кинодан кетган ва бадиий адабиётга қизиқиб, китоблар ёза бошлаган. Ва 65 ёшга етгандагина кинога қайтиб, актрисалик фаолиятини давом эттирган.

“Титаник” фильми катта экранларга чиққанидан кейин актриса Глория Стюарт 87 ёшида кино оламдаги фаолияти давомида иккинчи бор дунё бўйлаб машҳурликка эришди. Актриса бутун суратга олиш гуруҳи аъзолари ичида ҳақиқатан ҳам кема ҳалокатига учраган ягона инсон эди (ўшанда Глория 2 ёшда бўлган). У “Титаник” фильмидаги роли учун “Оскар” мукофотига ҳам номзод бўлган.