Витаминлар танқислиги соғлиқда турли бузилишларга олиб келиши мумкин, чунки улар организм тўғри ишлаши учун зарур бўлган муҳим моддалар ҳисобланади. Қайси турдаги витаминлар дунё аҳолисининг аксарият қисмида кам учраши ҳақида гастроэнтеролог Ольга Помойнецкая батафсил сўзлаб берди.
Статистик маълумотларга кўра, C витамини танқислиги энг кўп учрайдиган ҳолатдир:
Ушбу витамин кўплаб ўсимлик ва маҳсулотларда мавжудлигига қарамай, биз ҳали ҳам уни етарли даражада истеъмол қилмаймиз. Асосий муаммо шундаки, организм уни яхши синтез қилмайди ва витамин танага яхши сўрилмайди. Шу сабабли мавсумий резаворлар, цитрус меваларни истеъмол қилиш керак. Бундан ташқари, C витамини нафақат лимонда, балки яшил ўсимликларда ҳам мавжуд.
C витамини танқислиги биринчи ўринда иммунитетни зарарлайди:
Сиз тез-тез касал бўла бошлайсиз. Бу элемент темир алмашинуви, буйрак усти бези функцияси ва тишлар саломатлиги учун ҳам зарур.
Гастроэнтерологнинг қўшимча қилишича, организмда B витамини танқислиги ҳам кўп учрайди:
Ушбу витамин сувда эрийдиган тур бўлгани сабабли уларни ҳар куни таносил йўллари орқали йўқотамиз. B витамин гуруҳи марказий ва периферик асаб тизимининг ишлаши учун жавобгардир. Улар хотира, реакция тезлиги, энергия ва иммунитетга ҳам таъсир қилади. Бу витаминлар организмдаги деярли барча асосий биокимёвий жараёнларнинг фаоллаштирувчи бирикмалар ҳисобланади.
Шифокор B9, B12 ва B6 витаминлари етишмовчилик хавфи юқори эканлигини алоҳида қайд этди:
Асабийлик, чарчоқ, асаб тизимининг баланд товушларга, ёрқин нурга дош бермаслиги, уйқу сифати, соч ва терининг ёмонлашиши — буларнинг бари B9, B12 ва B6 витаминлари етишмаслигининг яққол белгиларидир.
Шунингдек, мутахассис D3 витамини ҳақида ҳам айтиб ўтди:
У минераллар алмашинуви учун масъулдир. D витамини қалқонсимон без ва иммунитетнинг нормал ишлаши учун жавобгар. Бундан ташқари, сочлар, тирноқлар, терининг сифати, жигар фаолияти ва аёллар саломатлиги учун муҳимдир. D3 витамини керак бўлганда қўшимча қабул орқали тўлдирилиши керак, чунки уни озиқ-овқатдан етарли даражада олишнинг доим ҳам иложи йўқ.
Эслатма: ҳар қандай витамин ва биологик фаол қўшимчаларини қабул қилишдан аввал мутахассис билан маслаҳатлашинг.
Изоҳ (0)