Vitaminlar tanqisligi sog‘liqda turli buzilishlarga olib kelishi mumkin, chunki ular organizm to‘g‘ri ishlashi uchun zarur bo‘lgan muhim moddalar hisoblanadi. Qaysi turdagi vitaminlar dunyo aholisining aksariyat qismida kam uchrashi haqida gastroenterolog Olga Pomoynetskaya batafsil so‘zlab berdi.
Statistik ma’lumotlarga ko‘ra, C vitamini tanqisligi eng ko‘p uchraydigan holatdir:
Ushbu vitamin ko‘plab o‘simlik va mahsulotlarda mavjudligiga qaramay, biz hali ham uni yetarli darajada iste’mol qilmaymiz. Asosiy muammo shundaki, organizm uni yaxshi sintez qilmaydi va vitamin tanaga yaxshi so‘rilmaydi. Shu sababli mavsumiy rezavorlar, sitrus mevalarni iste’mol qilish kerak. Bundan tashqari, C vitamini nafaqat limonda, balki yashil o‘simliklarda ham mavjud.
C vitamini tanqisligi birinchi o‘rinda immunitetni zararlaydi:
Siz tez-tez kasal bo‘la boshlaysiz. Bu element temir almashinuvi, buyrak usti bezi funksiyasi va tishlar salomatligi uchun ham zarur.
Gastroenterologning qo‘shimcha qilishicha, organizmda B vitamini tanqisligi ham ko‘p uchraydi:
Ushbu vitamin suvda eriydigan tur bo‘lgani sababli ularni har kuni tanosil yo‘llari orqali yo‘qotamiz. B vitamin guruhi markaziy va periferik asab tizimining ishlashi uchun javobgardir. Ular xotira, reaksiya tezligi, energiya va immunitetga ham ta’sir qiladi. Bu vitaminlar organizmdagi deyarli barcha asosiy biokimyoviy jarayonlarning faollashtiruvchi birikmalar hisoblanadi.
Shifokor B9, B12 va B6 vitaminlari yetishmovchilik xavfi yuqori ekanligini alohida qayd etdi:
Asabiylik, charchoq, asab tizimining baland tovushlarga, yorqin nurga dosh bermasligi, uyqu sifati, soch va terining yomonlashishi — bularning bari B9, B12 va B6 vitaminlari yetishmasligining yaqqol belgilaridir.
Shuningdek, mutaxassis D3 vitamini haqida ham aytib o‘tdi:
U minerallar almashinuvi uchun mas’uldir. D vitamini qalqonsimon bez va immunitetning normal ishlashi uchun javobgar. Bundan tashqari, sochlar, tirnoqlar, terining sifati, jigar faoliyati va ayollar salomatligi uchun muhimdir. D3 vitamini kerak bo‘lganda qo‘shimcha qabul orqali to‘ldirilishi kerak, chunki uni oziq-ovqatdan yetarli darajada olishning doim ham iloji yo‘q.
Eslatma: har qanday vitamin va biologik faol qo‘shimchalarini qabul qilishdan avval mutaxassis bilan maslahatlashing.
Izoh (0)