Машҳур инсонлар ҳаётини ўзгартириб юборган китоблар

Кўплаб инсонлар ўзи севган машҳурларнинг фикри, уларнинг ҳаёт тарзи ва маслаҳатларига амал қилади, ёқтирган актёри тавсияларидан келиб чиқиб, турли буюмлар сотиб олади, жойларга ташриф буюради. Бугунги мақолада биз таниқли инсонларнинг қандай турдаги адабиётга қизиқиши ҳақида маълумот беришга қарор қилдик. Қуйида машҳур инсонларнинг ҳаётини ўзгартириб юборган ва уларнинг севимли асарига айланган бешта севимли китобини кўриб чиқамиз.

Кейт Мосс — “Гўзаллар ва ҳалокатга маҳкумлар”, Френсис Скотт Фитсжеральд

Америкалик ёзувчининг йигирманчи йилларга мансуб “йўқотилган авлоди” ҳақидаги асардир. Роман сюжетига кўра, жазз даврида бадавлат инсонлар фарзандлари гедонизм — ҳузур-ҳаловатга, лаззатланишга интилиш инсоннинг олий мақсади деб ҳисобловчи ахлоқий таълимотга амал қилади. Улар энг яхши ресторанларда овқатланади, нуфузли уйларни ижарага олади ва Нью Йоркда энг яхши кунларини ўтказади. Бироқ мақсадсиз ҳаёт уларга бахт келтирмайди.

Натали Портман — “Булутли атлас”, Девид Митчелл

19-аср ўрталарига мансуб нотариус, 20-аср бошидаги ёш европалик бастакор, 70 йилларда яшовчи Калифорниялик журналист, ҳозирги замондаги нашриёт ишчиси ҳамда келажакдаги Кореяда яшаётган масхарабоз-хизматкорларни нима бирлаштиради? Спойлер: уларни комета шаклидаги туғма доғ ва ҳаётга бўлган иштиёқ бирлаштиради.

Зои Салдана — “Алкимёгар”, Пауло Коэлё

Асар тўқима образ чўпон бола Сантяго ва унинг саёҳати ҳақида кетади. Ёзувчи ўз фикрларини асар образларининг ўзаро суҳбатлари орқали тасвирлайди. “Сиз ҳақиқатан ҳам бирор нарсани хоҳласангиз, бутун олам сизнинг хоҳишингизни амалга оширишга ёрдам беради” деб ёзади муаллиф. Унинг фикрича, китоб рамзий маъноларга бой, аммо ҳаётида мазмунини йўқотганлар учун идеал асар ҳисобланади.

Риз Уизерспун — “Ёввойи. Хавфли саёҳат ѳъзликни англашнинг бир йўли сифатида”, Шерил Страйед

Руҳий оғриқ баъзан жисмоний оғриқдан кўра кучлироқ зарба беради. Бош қаҳрамон буни аввалдан билади. Онасидан айрилиб, никоҳидан ажрашиб, золим эрдан кетган қаҳрамон 1770 километр йўлни пиёда босиб ўтади. Қўрқувини енгган аёлнинг ҳикояси сизни ҳаётга бошқа кўзлар билан боқишга илҳомлантиради.

Анжелина Жоли — “Дракула”, Брем Стокер

Роман Дракула томонидан асирга олинган лондонлик адвокатнинг кундалигидир. Бош қаҳрамон кўчмас мулкни сотиш учун Трансилваниядаги графлик қасрига боради, аммо воқеалар ривожи кутилмаганда кескин ўзгариб кетади.