Жозе Моуриньо: “20 йил ичида ҳеч ким мендек Чемпионлар Лигасида ғалаба қозонмаган”

Португалиялик мутахассис Жозе Моуриньо 2004 йилги Чемпионлар Лигаси финалида “Монако”га қарши ўйинда (3:0) “Порту” билан ғалаба қозонгани ҳақида гапирди.

“20 йил ўтди. 20 йил ичида кўплаб мураббийлар Чемпионлар Лигасида ғалаба қозонди, аммо ҳеч ким бир ишни уддалай олмади. Улар йирик клублар, катта бюджетли, энг яхши футболчилар иштирок этган турнирда ғолиб чиқди. Мендек ҳеч ким Чемпионлар Лигасида ғалаба қозона олмади”, — деди Моурино EA Sports Korea нашрига.

Португалиялик мураббийнинг сўнгги клуби “Рома” бўлиб, у 2024 йилнинг январида уни тарк этган. Мутахассис Италия клубини 2021 йилда қабул қилиб олган эди.

• 2021—2022 йилги мавсумда “Рома” Конференциялар Лигасида ғалаба қозонди.
• 2022—2023 йилги мавсумда “бўрилар” Европа Лигаси финалига қадар етиб борди.

Моуриньо қўл остида “Рома” жами 96 та ўйин ўтказди. Уларда римликлар 44 марта ғалаба қозонган, 23 марта дуранг ўйнаб ва 29 марта мағлубият аламини тотиб кўрган.

Аввалроқ Моуриньо “Тоттенҳэм”, “Манчестер Юнайтед”, “Челси”, “Реал”, “Интер”, “Порту”, “Лейрия” ва “Бенфика” клубларини ҳам бошқарган.