Англиянинг “Манчестер Юнайтед” футбол клуби ҳужумчиси Маркус Рэшфорд Саудия Арабистонидан тушган учта таклифни рад этди. Ушбу таклифлар йиллик 35 миллион фунт стерлинг маошни ўз ичига олган, дея хабар бермоқда Daily Mail.
27 ёшли ҳужумчи Саудия Арабистонининг учта клубидан тушган таклифларни рад этгани ва Туркия клубига ўтишни ҳам истамаётгани маълум қилган. Рэшфорд фақат юқори ўринлар учун курашадиган ва Англия терма жамоасидаги ўрнига даъвогарлик қилишига имкон берадиган рақобатбардош клубга ўтишни истамоқда.
Жорий мавсумда футболчи клуб сафида барча мусобақаларда 24 та ўйинда қатнашиб, 7 та гол урди ва 3 та голли узатма амалга оширди.
Англия терма жамоаси аъзоси клуб сафида 2015 йилдан бери ўйнаб келмоқда. Ушбу давр мобайнида Рэшфорд 287 учрашувда майдонга тушиб 87 та гол урган.
Изоҳ (0)