АПЛнинг 19-туридан ўрин олган “Манчестер Юнайтед” – “Ньюкасл” учрашуви 30 декабрь, душанба куни ўтказилди.
Исак ва Жоэлинтоннинг голлари меҳмонларга учрашувда ғалаба олиб келди. “Қизил иблислар” бош мураббийи Рубен Аморим ўйиндан кейин ўз фикрларини билдирди.
Аморим жамоа яна биринчи бўлиб гол ўтказиб юборганини айтди.
“Бундай вазиятларда сиз ҳақиқатан ҳам ўйинга қайтишингиз керак. Ҳаракат қилдик, лекин бундай дақиқаларни енгиб ўтиш учун ўйин услубимиз пойдеворига эга эмасмиз. Рақиб яхшироқ эди. Улар ўйинни назорат қилишди. Улар ҳамма нарсани жамоа бўлиб амалга оширишди. Футболчиларимиз кўпроқ индивидуал ҳаракат қилишга уринишди. Аммо улар ҳаракат қилишяпти”, дейди Аморим.
Мутахассис ўйиннинг 33-дақиқасида Зиркзени Майнуга алмаштиргани ҳақидаги саволга жавоб берди.
“Агар мен натижани ўзгартириш учун нимадир қила оламан деб ўйласам, буни қиламан. Айтганимдек, бирор нарсани ўзгартириш учун қиладиган меҳнатимдан кўра кўпроқ футболчиларнинг ишончи эвазига натижага эриша оламиз. Айни пайтда бизда ҳеч қандай машғулотлар ёки пойдевор йўқ. Қийин дақиқаларни бошдан кечираётганингизда пойдевор керак. Рақиб биздан яхшироқ ўйнади, бу ерда бошқа гап йўқ”, дейди МЮ мураббийи.
Изоҳ (0)