Футбол бўйича АПЛнинг 22-тури доирасида “Манчестер Сити” сафарда “Ипсвич” жамоасини 6:0 ҳисобида мағлуб этди. Шундай қилиб, “шаҳарликлар” бош мураббийи Хосеп Гвардиола учун бу АПЛда жамоаси олти ёки ундан ортиқ гол урган 13-ўйин бўлди. Бу ҳақда Squawka маълум қилди.
Испаниялик мутахассис ушбу кўрсаткич бўйича “Арсенал” собиқ бош мураббийи Арсен Венгер билан тенглашди. Фақат “Манчестер Юнайтед” собиқ мураббийи Гвардиоладан кўпро натижага эга. Сер Алекс Фергюсонда бундай ўйинлар сони 14 та.
Маълумот учун, “Манчестер Сити” АПЛ жадвалида тўртинчи, Чемпионлар Лигасида эса 22-ўринда бормоқда. Англия чемпионати 2024—2025-мавсуми турнир жадвалида “Ливерпуль” 50 очко билан пешқадамлик қилмоқда.
Эслатиб ўтамиз, кечаги ўйинда “Манчестер Сити” сафида Фил Фоден (дубль), Матео Ковачич, Жереми Доку, Эрлинг Ҳоланд ва Жеймс Макейти “шаҳарликлар” голига муаллифлик қилди.
Аввалроқ Ўзбекистон терма жамоаси ҳимоячиси “Манчестер Сити” билан шартнома имзолагани хабар қилинганди.
Изоҳ (0)