Истанбулда бўлиб ўтган Европа Лигаси ўйини олдидан “Манчестер Юнайтед” мухлислари “Фенербаҳче” мухлислари томонидан ҳужумга учради.
-n1cvgTY_.jpeg)
Қайд этилишича, турк клубининг 50 га яқин мухлиси ўйинга келган “Юнайтед” мухлислари гуруҳига ҳужум қилган.
Ижтимоий тармоқларда жойлаштирилган кадрларда ҳужум Grand Hisar меҳмонхонаси яқинида содир бўлганини кўриш мумкин. Натижада бир неча киши жароҳатланган.
“Х” ижтимоий тармоғида Богаз Безорилари бу кадрлар билан мақтаниб “Бу Истанбул!” дея изоҳ қолдирган.
Ҳужумга учраган “қизил иблислар” мухлиси StreetyNews’га беш кишилик гуруҳга ғазабланган оломон ҳужум қилганини айтиб берди.
“Бизни 50 га яқин одам қуршаб олди. Бир йигит кўчада орқамдан юриб, ўзини ёрдам бермоқчи бўлгандек кўрсатди ва жағимга мушт туширди”, дейди Англия клуби мухлиси.
Меҳмонларнинг икки мухлиси шиша ва лом билан урилиши оқибатида жароҳат олган.
Маълумот учун, ушбу учрашув 1:1 ҳисобидаги дуранг билан якунланди.
Изоҳ (0)