АПЛнинг 20-тури доирасида “Ливерпуль” – “Манчестер Юнайтед” учрашуви 5 январь, якшанба куни ўтказилди.
Баҳснинг биринчи бўлимида ҳисоб очилмади. Иккинчи бўлимга келиб эса ҳар икки жамоа олдинга кўпроқ интилди. 52-дақиқага келиб бу ўз натижасини берди ва меҳмонлар аъзоси Лисандро Мартинес учрашувда ҳисобни очди.
Гол ўтказиб юборгач тўлиқ ҳужумга ўтган ливерпулликлар тезда жавоб бера олишди. Коди Гакпо 59-дақиқада ҳисобни тенглаштирди. 70-дақиқага келиб эса Муҳаммад Салаҳ пенальтидан ҳисобни тенглаштирди.
Орадан 10 дақиқа ўтиб эса Амад Диало гол уриб, ҳисобни тенглаштирди – 2:2.
Учрашувнинг бош ҳакам томонидан қўшиб берилган энг сўнгги дақиқасида Ҳарри Магуайр деярли бўш дарвозага гол ура олмади ва баҳс жанговар дуранг билан якунланди.
Шундай қилиб, турнир жадвалида “Ливерпуль” 46 очко билан пешқадамликни сақлаб турибди. МЮ эса 23 очко билан 13 ўринни эгаллаб турибди.
АПЛ.
20-тур
5 январь, якшанба
“Ливерпуль” — “Манчестер Юнайтед” 2:2
Голлар: 0:1 – 52 Мартинес, 1:1 – 59 Гакпо, 2:1 – 70, пенальти Салах, 2:2 – 80 Диалло.
“Ливерпуль”: Алиссон, Робертсон, ван Дейк, Конате, Александер-Арнольд (Бредли, 86), Мак Аллистер, Гравенберх, Гакпо (Эллиот, 86), Жонс (Диогу Жота, 61), Салах, Диас (Нуньес, 60).
“Манчестер Юнайтед”: Онана, Мартинес, Магуайр, де Лигт (Йоро, 83), Бруну Фернандеш, Диалло, Диогу Далот, Майну (Гарначо, 72), Угарте, Мазрауи, Хейлунд (Зиркзе, 86).
Огоҳлантиришлар: Диогу Далот (23), Диалло (54), де Лигт (64), Магуайр (73), Нуньес (77), Александер-Арнольд (83).
Изоҳ (0)