“Манчестер Юнайтед” клуби январь ойида уч нафар футболчисини қўйиб юборади. Бу ҳақда инсайдер Фабрицио Романо хабар бермоқда.
Маълум қилинишича, клуб бразилиялик ярим ҳимоячи Каземиро, даниялик плеймейкер Кристиан Эриксен ва швециялик марказий ҳимоячи Виктор Линдельоф билан хайрлашади.
Аввалроқ жамоа бош мураббийи Рубен Аморим “Манчестер Юнайтед”нинг қишки трансферлар борасидаги қийинчиликлари ҳақида гапирганди.
“Агар биз баъзи ўйинчилар билан хайрлашмасак, январь ойида трансферларга имконият бўлмайди. Сиз вазиятни мендан яхшироқ биласиз. Бу ерга келибоқ, жамоани ўзгартириш учун пул сарфлашим қийин”, деган эди португалиялик мутахассис.
Маълумот учун, “Манчестер Юнайтед” АПЛда 19 ўйинда 22 очко жамғариб, 14-ўринда бормоқда.
Изоҳ (0)