“Ан-Насср” ҳамда Португалия терма жамоаси ҳужумчиси Криштиану Роналду футболни профессионал даражада давом эттиришга нима ундаётгани ҳақида гапирди.
Мен ноёб футболчиман. Бундан ташқари, ҳаётда яхши инсонман. Мен учун энг муҳими шу.
Ростини айтсам, мен ҳозирги ҳолатимдаги одамга айланаман деб ҳеч ўйламаган эдим. Мен доим профессионал футболчи бўлишимга ишонганман. Қолган нарсаларга эса йўқ. Менинг бутун ҳаётим синовдан иборат. Катта шаҳарда яшаш учун 11 ёшимда уйдан чиқиб кетдим. Шунинг учун мен учун бу осон. Мен Мадейрани Лиссабонга, Лиссабонни Англияга, Англияни Италияга алмаштирганман... Мен учун бу муаммо эмас, бу менинг ҳаётимнинг бир қисми, бу менинг ўзига хослигим. Мен бундай ҳаётга ўрганиб қолганман”, — деди Роналду YouTube’даги каналида.
Криштиану Роналду расмий ўйинларда 902 та гол урган тарихдаги биринчи футболчи бўлди. Роналду “Спортинг” учун 5 та, “Манчестер Юнайтед” билан 145 та, “Реал” билан 450 та, “Ювентус” билан 101 та, “Ан-Насср” билан 69 та ва терма жамоа билан 132 та гол уришга муваффақ бўлган. Ҳужумчи миллий терма жамоалар, Европа чемпионати, Чемпионлар Лигаси ва Клублар ўртасидаги жаҳон чемпионати тарихидаги энг яхши тўпурар ҳисобланади.
Ҳозирги кунда YouTube’да 63 миллионга яқин инсон Роналдуга обуна бўлган.
Изоҳ (0)