Туркия фильм ва сериаллари фақат севги саргузаштлари ва тарихий драмалардан иборат деб ўйлайдиганлар бу борада адашади. Қуйидаги қўрқинчли фильмлар Голливуднинг катта бюджетли даҳшатли фильмларидан қолишмайдиган даражада ҳар қандай одамни қўрқита олади.
“Жаҳаннам калити” (2015)
Мазкур криминал драма марказида беш нафар полициячи туради. Уларнинг барда пиво ичиб ўтирган одатий кечаси шошилинч қўнғироқ туфайли узилади. Қаҳрамонларга зудлик билан ўрмондаги ташландиқ уйни текшириш топшириғи берилади. Бу полициячилар учун янгилик бўлмаса-да, бу сафар уларни ҳар бирининг гуноҳлари учун тайёрланган ҳақиқий азоб-уқубатлар кутмоқда.
“Межи” (2016)
“Межи” фильмининг асосини даҳшат жанридаги фильмлар орасида кенг тарқалган сюжет ташкил этади — бош қаҳрамон Оливия Нью Йоркдан уйига, Туркияга қайтиб келади ва синглиси Марла ҳомиладор эканлигини, биологик отаси эса гўё ер ютгандай ғойиб бўлганини билиб қолади. Шундай бўлса-да, Марла болани олиб қолишга қарор қилади. Бу қарор кутилмаганда тугаб битмас тунги даҳшатларга сабаб бўлади.
“Гўзал аёл портрети” (2019)
Бош қаҳрамон Нисонинг ҳаётига ҳавас қилиш мумкин: у эри билан бирга кичик шаҳарчада қизини тарбиялайди. Аммо отасининг вафоти ҳақидаги хабар унинг ҳаётини ўзгартириб юборади. Туғилиб-ўсган қишлоғига қайтган Нисо ўз ўтмишининг қоронғи сирларига дуч келади ва аста-секин ақлдан озаётганини ҳис қила бошлайди.
“Уй бекаси” (2017)
“Уй бекаси” фильмининг сюжети Холли атрофида ривожланади. Унинг одатий ҳаёти вақти-вақти билан галлюцинациялар туфайли издан чиқади — кўп йиллар олдин унинг кўз ўнгида синглиси ва отаси ўлдирилганди. Бир куни эски дугонаси Холлини эри билан зиёфатга таклиф қилади. Бу тадбир уни бир муддат бўлса-да, хавотирли фикрлардан халос этишига ишонган Холли таклифни қабул қилади. Бироқ ўша тунда галлюцинациялар яна пайдо бўла бошлайди.
“Даббе: Жинлар қарғиши” (2013)
Сюжет марказида тўйига тайёргарлик кўраётган, аммо кутилмаганда қачонлардир номаълум сирли мавжудотга боғлиқлигини билиб қолган Кубро туради. Кубронинг психиатр дўсти унга ёрдам беришга қарор қилади ва экзортизм маросимини ўтказади, аммо бу вазиятни янада ёмонлаштиради.
Изоҳ (1)
Bu royxatni qaysi aqilli topganini bilmadimu 1 tiyinga qimmat kinolar ekan ozi kinodan xabari bor odam tuzganmi bu royxatni yoki "случайные прохожие" tuziberib ketganmi "ключи от преисподней " nima bu mantiq qayerda nimasiga baxo beraylik buni sal oylab tekshirib post qoyilar.