“Ниқоб” фильмидаги кўпчилик эътибор бермаган қўпол хатолар ва мантиқсиз эпизодлар

“Ниқоб” (1994) фильми Жим Керри ижро этган энг машҳур комедиялардан бири бўлиб, барчанинг севимли киносига айланиб улгурган. Аммо фильм қанчалик машҳур ва қизиқарли бўлмасин, унда ҳар доим камчилик ва номувофиқликлар топилади. Ушбу фильм ҳам бундан мустасно эмас.

Фильмнинг аввалида қувурга бир қатор ўралган занжир кўрсатилади. Лекин кейинги кадрда қувурда аллақачон 4 қатор занжир ҳосил бўлганини кўриш мумкин.

Стенли ахлат уюмини одам деб ўйлайди. Аммо юқоридан қаралса, ҳақиқатан ҳам мурда эканини кўриш мумкин. Эҳтимол, томошабинларга ҳаммасини Стенлининг кўзи билан кўрсатмоқчи бўлишгандир?

Стенли столида 5,25 дюймли дискетлар турибди, лекин компьютернинг ўзига эътибор берсангиз, дисководи фақат 3,5 дюймли дискетлар учун мўлжалланган. Қизиқ, унга 5 дюймли дискетлар нега керак, агар унда мос келадиган дисковод бўлмаса?

Эси бор одам бундан 2 сония олдин унга ёпишиб олишга уринган шубҳали ниқобни яна бир марта юзига яқинлаштириши даргумон.

Ниқоб таққан Стенли деразадан сакраб, ойнани синдиради. Дераза ойнасининг парчалари ҳам у билан бирга пастга тушаётгани аниқ кўриниб турибди. Аммо қулаб тушганда унинг атрофида бирорта ҳам синиқлар йўқ.

Наҳотки клубдагиларнинг ҳеч бири мультфильмдаги бўрига айланаётган ғалати мижозни пайқамайди. Тинани қуюндек айлантирганини айтмаса ҳам бўлади.

Ниқоб банкдан уч қоп пул олиб чиқади, лекин Стенли жавонида ундан ҳам кўп қоп борлигини кўриш мумкин.

Доктор Ньюман Стенлига Один Локини Валхаладан ҳайдаб юборганилигини айтади. Аслида эса Один Локини улкан илонга боғлаб қўйган, бу илон унинг юзига абадий заҳар томизиб турган.

Стенли буталар орасига кириб кетгач, орадан бир сония ўтар-ўтмас, у ердан Ниқоб чиқиб келади. Тина у Стенли эканлигини дарҳол фаҳмлаши керак эди. Афтидан, унинг шунга ҳам ақли етмаган.

Полиция Ниқобни тинтув қилганида, унинг чўнтагидан жуда кўп ғалати нарсаларни топишади. Аввал бу нарсаларнинг ҳаммаси Ниқобнинг оёқлари остида кўрсатилади, кейин эса полициячилар олдин кўрсатилган нарсаларни унинг чўнтагидан қандай олишлари кўрсатилган.

Маълумки, Ниқобнинг хатти-ҳаракати уни таққан инсон феъл-атвори билан боғлиқ. Бироқ нима учун Стенли уни таққанда калга, Дориен эса замонавий соч турмагида намоён бўлади?

Панжаралар ораси шу қадар катта эдики, Стенлининг ўзи ҳам кучуги ёрдамисиз чиқиб кетиши мумкин эди.

Полициячилардан биронтаси бошлиқларини ҳибсдаги одам билан машинада кетаётганига эътибор бермагани ажабланарли.

Майло ниқобни пастки қисмидан тишлайди, лекин уни ерга ташлаётганида тепа қисмидан тишлаб олганига гувоҳи бўлиш мумкин.

Бомбада механик ҳисоблагич бор, лекин Ниқоб худди шу бомбани ютаётганида ҳисоблагич оддий стикерлигини кўриш мумкин.