Тошкент вилоятининг Қибрай туманида 1,2 млрд сўмлик табиий газдан ноқонуний фойдаланган иссиқхона аниқланди. Бу ҳақда “Ҳудудгазтаъминот” АЖ хабар берди.
Туманнинг “Обод” МФЙда истиқомат қилувчи фуқаро Т.М. хонадонида иссиқхона ташкил этиб, табиий газ тармоғига ҳисоблагичсиз, яширин йўллар билан резина шланг орқали тўғридан-тўғри уланган.
Ҳолат бўйича далолатнома тузилиб, газ сарфи қайта ҳисоб-китоб қилинди ва 1 млрд 259 млн сўмлик зарар ҳисобланди.
Ҳолатга алоқадор барча ҳужжатлар ҳуқуқ-тартибот органларига юборилди.
Газни ўғирлаётган иссиқхоналар
Изоҳ (0)