Гулистон шаҳрида жойлашган масъулияти чекланган жамиятда газ ҳисоблагичга ўрнатилган бир марталик тамға узиб ташланган. Бу ҳақда “Ҳудудгазтаъминот” АЖ ахборот хизмати хабар бермоқда.
Айтилишича, Сирдарё вилояти Гулистон шаҳрида жойлашган масъулияти чекланган жамиятда газ ҳисоблагичга ўрнатилган бир марталик тамға узилиб, 223 миллион 300 минг сўмлик табиий газдан ноқонуний фойдаланилган.
Бу каби ҳолат Наманган вилояти Учқўрғон туманида жойлашган, якка тартибдаги тадбиркорга қарашли иссиқхона қурилмалари газ ҳисоблагичдан ташқари 20 мм полиэтилен қувур орқали газ тармоғига ўзбошимчалик билан уланиб, 3 миллиард 2 миллион сўмлик табиий газдан ноқонуний фойдаланилгани аниқланди.
Мазкур ҳолатлар юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилган.
Аввалроқ Жиззах вилоятида 812 миллион сўмлик газдан ноқонуний фойдаланган меҳмонхона аниқланган эди.
Изоҳ (0)