Наманган ва Самарқандда 2,1 млрд сўмлик табиий газдан ноқонуний фойдаланилди
Наманган ва Самарқанд вилоятларида 2,1 миллиард сўмлик табиий газдан ноқонуний фойдаланилганлиги аниқланди, деб хабар берди Энергетика вазирлиги матбуот хизмати.
Фото: Энергетика вазирлиги матбуот хизмати
Маълум қилинишича, Наманган шаҳрида фуқаро З.Р. ўзининг яшаш хонадонида новвойхона ташкил этиб, табиий газ тармоғига тижорат мақсадида ўзбошимчалик билан уланган. Ҳисоб-китобларга кўра, у фаолияти давомида давлат манфаатларига 362,5 млн сўмлик зарар етказган.
Фото: Энергетика вазирлиги матбуот хизмати
Шунингдек, Самарқанд вилоятининг Тайлоқ туманидаги “С.Ш“ оилавий корхонасига қарашли новвойхонада ҳам табиий газ тармоғига ўзбошимчалик билан уланилган. Оқибатда 1,3 млрд сўмлик табиий газ талон-торож қилинган.
Фото: Энергетика вазирлиги матбуот хизмати
Бундан ташқари, Паст Дарғом туманида яшовчи фуқаро А.М. ҳам ўз хонадонида ноқонуний иссиқхона ташкил қилиб, табиий газ тармоғига яширинча уланган. Натижада давлат манфаатларига 462,7 млн сўмлик зарар етказган.
Фото: Энергетика вазирлиги матбуот хизмати
Ҳозирги вақтда мазкур ҳолатлар бўйича тегишли идоралар томонидан терговга қадар текширув ҳаракатлари олиб борилмоқда.
Фото: Энергетика вазирлиги матбуот хизмати
Газдан ноқонуний фойдаланган новвойхоналар
Аввалроқ Намангандаги новвойхонада 273 млн сўмлик табиий газдан ноқонуний фойдаланилгани аниқланган эди. Шунингдек, Жиззахда қарийб 700 млн сўмлик газдан ноқонуний фойдаланган новвойхона аниқланган.
Бундан ташқари, Фарғона вилоятида 5 та новвойхона томонидан 771 млн сўмдан зиёд табиий газдан ноқонуний фойдаланиш ҳолатлари аниқланганди.
Шу билан бирга, Урганч туманида 2 миллиард сўмдан зиёд табиий газдан ноқонуний фойдаланган МЧЖ аниқланди. Самарқанддаги новвойхонада 621 млн сўмлик газдан ноқонуний фойдаланилди.
Газни ўғирлаётган иссиқхоналар
Тошкент вилоятида 618,4 миллион сўмлик табиий газдан ноқонуний фойдаланган иссиқхона аниқланганди. Шунингдек, Самарқандда 1 миллиард сўмлик табиий газдан ноқонуний фойдаланган иккита иссиқхона фош бўлгани тўғрисида хабар берилганди.
Изоҳ (0)