Қорақалпоғистон Вазирлар кенгаши раиси, Тошкент шаҳри ҳамда вилоятлар раҳбарлари меҳнат таътилига чиқади. Бу ҳақда “Дарё” манбаси хабар берди.
Қорақалпоғистон Вазирлар кенгаши раиси ҳамда ҳокимлар 2025 йилнинг 3 январь кунидан эътиборан расман таътилда бўлади.
Ўзбекистонлик амалдорларнинг меҳнат таътили одатда 10 кун давом этар эди. 2021 йилнинг 17 январь куни Қорақалпоғистон Вазирлар кенгаши раиси, Тошкент шаҳри ҳокими ва 6 та вилоят ҳокими 10 кунлик муддатга меҳнат таътилига чиққанди. Шу йилнинг 28 январь куни эса яна еттита вилоят раҳбари бошчилигидаги 959 нафар масъул — ҳудудлардаги иккинчи, учинчи, тўртинчи сектор раҳбарлари меҳнат таътилига чиқади ва саломатлигини тиклаб қайтганди.
Давлат раҳбари Шавкат Мирзиёев ўтган йили 22 апрелдан қисқа муддатли меҳнат таътилига чиқди. Президент шунингдек, 2024 йил 26 июлидан 5 августига қадар ҳам қисқа муддатли меҳнат таътилида бўлганди.
Изоҳ (0)