Ички ишлар вазирлиги “Вояга етмаган шахсларга оталиққа олаётган мутасаддиларни тайинлаш тартиби тўғрисидаги низомни тасдиқлаш ҳақида”ги ҳукумат қарори лойиҳасини муҳокамага қўйди.
Ҳужжат билан “Оила—маҳалла—мактаб—мустақил ҳаёт” тамойили асосида ҳар бир тарбияси оғир ўсмирларни мустақил ҳаётга тайёрлаш даврида улар билан якка тартибда ишлаш учун мутасаддилар томонидан оталиққа олиш тартиби жорий этилмоқда.
Вояга етмаган шахсларни оталиққа олаётган мутасаддиларнинг асосий вазифаси этиб, ҳар бир тарбияси оғир ўсмирларни мустақил ҳаётга тайёрлаш даврида улар билан якка тартибда ишлаш белгилансади.
Болалар масалалари бўйича миллий комиссия манфаатдор вазирлик ва идоралар билан биргаликда вояга етмаган шахсларни оталиққа олаётган мутасаддиларни рўйхатларини шакллантириш чораларини кўради.
Ички ишлар вазирлиги жиноят содир этган ёки жиноят қилиш мумкин бўлган, ғайри-ижтимоий хатти-ҳаракатларни содир этиши мумкин бўлган ҳамда назоратсиз ва қаровсиз қолган вояга етмаганларнинг рўйхатини шакллантиради ҳамда Болалар масалалари бўйича Қорақалпоғистон Республикаси, вилоятлар ва Тошкент шаҳар ҳамда туман (шаҳар) комиссияларига тақдим этади.
Белгиланишича:
- вояга етмаган шахсларни оталиққа олиш ҳуқуқ-тартибот идораларининг, барча даражадаги давлат ва жамоат ташкилотлари раҳбарлари ва ўринбосарлари, ҳокимликлар, таълим муассасаси директорлари ва маҳалла раислари томонидан амалга оширилади;
- вояга етмаган шахсларни оталиққа олган мутасаддилар ҳар олти ойда бир марта туман (шаҳар) ҳокимларига амалга оширган ишлари юзасидан ҳисобот беради;
- оталиққа олаётган мутасаддиларни тайинлаш болалар масалалари бўйича туман (шаҳар) миллий комиссияси томонидан қарор қабул қилиниши асосида амалга оширилади.
Эслатиб ўтамиз, июль ойида Шавкат Мирзиёев иштирокида бўлиб ўтган ИИВ кенгайтирилган ҳайъат йиғилишида ёшлар ўртасидаги жиноятларни камайтириш бўйича ҳар бир ҳоким ўзи ўзгариш қилиши шартлиги кўрсатиб ўтилганди. Шунингдек, Ўзбекистонда ягона 112 тезкор рақами ва диспетчерлик тизими ишга туширилиши, Ёшлар ўртасидаги жиноятларни камайтириш бўйича ҳар бир ҳоким ўзгариш қилиши шартлиги кўрсатиб ўтилганди.
Изоҳ (0)