Сирдарё вилояти ҳокими Маҳмудалиев Акмалжон Азимжонович бошқа ишга ўтиши муносабати билан ўрнига янги ҳоким тайинланиши кутилаётгани хабар берилганди. Ҳокимлик буни рад этди.
Айни пайтда вилоят ҳокими билан суҳбатлашдим. Бундай режа йўқ, ҳозирча. Ҳоким вилоят раҳбари сифатида вазифасини бажаришда давом этмоқда, дейди Акмалжон Маҳмудалиевнинг матбуот котиби Зафар Мирраҳимов.
Акмалжон Маҳмудалиев президент фармони билан 2022 йилнинг 26 ноябрь куни Сирдарё вилояти ҳокими вазифасини бажарувчи этиб тайинланганди. Ҳокимликка қадар эса Навоий вилояти ҳокимининг қишлоқ ва сув хўжалиги масалалари бўйича ўринбосари лавозимида ишлаган.
Изоҳ (0)