1 январь куни кечқурун Нью Йоркнинг Квинс туманидаги тунги клуб олдида отишма содир бўлди. Ҳодиса оқибатида 10 киши яраланди.
Полиция отишманинг жиноий гуруҳ фаолиятига алоқадорлигини текширмоқда ва ҳозирча бу ҳолат терроризм билан боғлиқ эмас деб ҳисоблаяпти.
ABC News хабарига кўра, бир гуруҳ эркаклар клуб ташқарисида навбатда турган 15 га яқин одам томонга қарата ўт очган. Яраланганларнинг барчаси 16 ёшдан 20 ёшгача бўлган йигитлар, дейди полиция.
Ҳаммаси бўлиб 30 га яқин ўқ узилган. Гумонланувчилар воқеа жойини машинада тарк этган.
Нью Йоркдаги отишма Нью Орлеандаги ҳужум билан бир кунда содир бўлди.
Янги йилнинг дастлабки соатларида Янги Орлеандаги Канал ва Бурбон кўчалари кесишмасида автомобиль ҳайдовчиси оломонга қарата ҳайдаши оқибатида ўн киши ҳалок бўлди, 30 киши жароҳат олди.
Янги Орлеандаги ҳодиса
Янги Орлеан шаҳри мери ЛаТоя Кентрелл воқеани очиқчасига “теракт” деб атаган.
Полиция вакиллари мазкур ҳужум имкон қадар кўпроқ одамларга зарар етказиш мақсадида олдиндан режалаштирилгани ҳамда қасддан амалга оширилганини расман тасдиқлаган. Воқеа жойида портловчи қурилмаларга ўхшаш буюмлар ҳам топилган, бироқ улар ҳақиқий қурилмалар ёки муляжлар эканлиги ҳозирча аниқ эмас.
CBS News телеканали гувоҳларга таяниб, юк машинаси катта тезликда оломонга қарата ҳайдагани, шундан сўнг ҳайдовчи машинадан тушиб, қуролдан ўқ узганини, полиция эса жавоб ўқ узганини хабар қилган.
Бир жуфт гувоҳнинг CBS News’га айтишича, улар ўзлари турган кўчадан узоқда гумбурлаган овозни эшитишган ва кейин оқ юк машинаси юқори тезликда баррикадани ёриб ўтаётганини кўришган.
Изоҳ (0)