АҚШ ва Канада ўртасидаги “Камалак кўприги”да (Ниагара шаршараси ҳудуди) автомобиль портлаб кетди. Бу ҳақда Федерал қидирув бюросига таяниб, Deutsche Welle хабар берди.
Американинг CNN ва Fox News телеканаллари маълумотларига кўра, портлаш оқибатида машина ичида бўлган икки киши ҳалок бўлган. Reuters агентлиги эса АҚШ чегара хизматининг бир нафар ходими жароҳат олганини маълум қилди.
ФҚБ ҳолат юзасидан тергов бошлаган, аммо бир неча соат ичида уни якунлаган. Ҳодиса жойи кўздан кечирилганида портловчи моддалар, терроризмга боғлиқ бирор белгилар топилмаган. Иш йўл-транспорт ҳодисаси сифатида Ниагара-Фолс шаҳри полициясига топширилган.
Нью-Йорк штати губернатори Кети Хокулнинг айтишича, икки давлат ўртасидаги тўртта чегара ўтиш пункти вақтинча ёпилган. Буффало Ниагара халқаро аэропортида хавфсизлик чоралари кучайтирилди. Унинг сўзларига кўра, теракт белгилари йўқ. “Камалак кўприги” ёпиқлигича қолмоқда, аммо қолган ўтиш жойлари бўйлаб ҳаракат тикланган.
АҚШ президенти Жо Байден воқеа ҳақида хабардор қилинган, Канада бош вазири Жастин Трюдо вазиятни “жуда жиддий” деб атаган.
Изоҳ (0)