Президент Шавкат Мирзиёевнинг топшириғи билан, Афғонистон аҳолисига инсонпарварлик ёрдами ва “Саломатлик” поезди жўнатилди. Бу ҳақда Сурхондарё вилояти ҳокимлиги хабар берди.
Маълум қилинишича, Афғонистон аҳолисини бепул тиббий кўрикдан ўтказиш, зарур озиқ-овқат ҳамда дори-дармон воситалари шаклидаги инсонпарварлик юки Афғонистон халқига етказиб берилди.
Жами 9 вагондан иборат “Саломатлик” тиббий-санитар ёрдами 25—30 декабрь кунлари Афғонистоннинг Балх вилоятида бир гуруҳ аҳоли малакали шифокорлар томонидан бепул тиббий кўрикдан ўтказилади.
Мазкур инсонпарварлик ёрдами Ўзбекистон ва Афғонистон ҳукуматларининг учрашувида афғон халқини Ўзбекистон шифокорлари томонидан бепул тиббий кўрикдан ўтказишда кўмак кўрсатиш сўровига асосан амалга оширилмоқда.
Апрель ойида Сурхондарё вилояти ҳокими Улуғбек Қосимов бошчилигидаги делегация Ўзбекистон халқи номидан биродар афғон халқига навбатдаги инсонпарварлик ёрдамини етказган эди.
Шунингдек, 2023 йил апрелда ҳам Ўзбекистондан афғон халқига 185 тоннадан ортиқ зарурий озиқ-овқат маҳсулотлари ортилган навбатдаги инсонпарварлик ёрдамини жўнатганди.
2022 йилда бўлса зилзила оқибатида жабр кўрганларга ёрдам кўрсатиш мақсадида Ўзбекистон президенти Шавкат Мирзиёев топшириғига биноан Афғонистонга навбатдаги инсонпарварлик ёрдами юборилган эди.
Изоҳ (0)