Афғонистон бош вазирининг маъмурий масалалар бўйича ўринбосари Мавлавий Абдул Салам Ҳанафий Ўзбекистонга ташриф буюриб, Бухоро вилоятидаги исломий ва тарихий масканларни зиёрат қилди.
Қайд этилишича, Ҳанафий ва унинг ҳамроҳлари Афғонистон билан савдо-сотиқ, маданий ва ижтимоий алоқалари мустаҳкам бўлган Бухорога ташриф буюриб, Бухоронинг исломий ва тарихий масканларини зиёрат қилган.
Ташриф чоғида уни Бухоро вилояти ҳокими Ботир Зарипов бошчилигида расмийлар кутиб олган.
Зарипов Ўзбекистон ва Афғонистон ўртасида кўплаб маданий ва тарихий ўхшашликлар мавжудлигини таъкидлаб, улардан икки давлат ҳам икки томонлама муносабатларни мустаҳкамлашда фойдаланиши мумкинлигини қўшимча қилган.
Шунингдек, Мавлавий Ҳанафий Афғонистон ва Ўзбекистонни ўзига хос тарихий қадимийликка эга, ислом маданияти ва цивилизациясида муносиб ўрин эгаллаган икки давлат деб атаган ва бу позициядан тўғри фойдаланиш орқали икки томонлама муносабатларни янада ривожлантириш мумкинлигини қайд этган.
Афғонистон бош вазирнинг маъмурий масалалар бўйича ўринбосари Мавлавий Абдул Салам Ҳанафий 30 ноябрь куни Ўзбекистонга ташриф буюрган эди. У мамлакатнинг юқори мансабдор шахслари, жумладан, бош вазир Абдулла Арипов, бош вазир ўринбосари Жамшид Ходжаeв билан учрашган.
Изоҳ (0)